Popular Bible Verses from लूका 9

Share

धै खीजी चमैं ताँन्‍ने बिइ, “खाबै ङए लिलि खबै सैं लस्याँ, चइ ह्रोंसए तोन्‍दोंरि इच्‍छामैं पिवाल् त्‍हुम्, कति दुःख तलेया सैदिसि त्हिंइ ह्रोंसे ङए लिलि प्रल् त्‍हुम्।

“खाबइ ह्रोंसए ज्यु जोगेबै सैं लमुँ च नास त‍याब्मुँ। दिलेया खाबइ ङए ल्हागिर ह्रोंसए ज्यु पिंमुँ चइ ह्रोंसए ज्यु जोगेब्मुँ।

दिलेया येशूजी चने बिइ, “ह्रोंसए यो क्होरर थेंसि लिग्याँ तोइ ङ्‌ह्‍योब्मैं खाबै या परमेश्‍वरए ग्याल्सर केर आफे।”

तलेबिस्याँ ह्‍युलर्बै ताँन् सुख सै न्होर योंलैया ह्रोंस् सिसि नर्गर ह्‍याल् त्हुस्याँ तो फायदा तमुँ?

म्हिए च्ह स्‍वर्गर परमेश्‍वर आबा नेरो खीए पबित्र स्‍वर्गदूतमैंने टिरिब्‍मुँ। परमेश्‍वर आबाए मिं थेब लबर खीए शक्‍तिर स्‍वर्गदूतमैंने चु ह्‍युलर खी धबै युब्मुँ। झाइले ङ नेरो ङए बचनउँइँले फापिसि खा-खाबइ ‘ङइ येशू ङो आसे,’ बिल, ङज्यै या च त्‍हेर क्हेमैं ङो आसे बिब्‍मुँ।

येशूजी चने बिइ, “सेलमैंल रो मुँ, नमेंमैंल च्‍हों मुँ, दिलेया म्हिए च्ह तनाबिलेया ङल क्र लोबै क्‍ल्‍ह्‍यो या आरे।”

झाइले चेलामैंने बिइ, “खाबइ ङए मिंर चु कोलोलाइ मान लमुँ, चइ ङलाज्यै या मान लमुँ। धै ङलाइ मान लब्‍मैंइ ङ कुल्मिंबै परमेश्‍वर आबालाज्यै या मान लमुँ। छलेन क्‍हेमैंए न्‍होंरि खाब् च्‍योंने तसि टिमुँ चन् ताँन् भन्दा थेब् तम्।”