Popular Bible Verses from लूका 14

Share

“ङए लिलि खब्मैंइ ह्रोंसए आबा, आमा, प्ह्रेंस्यो, प्‍हसेमैं, अलि-अङाँमैं नेरो ह्रोंसए ज्यु या तो धोंइ आङ्हाँ बिस्याँ च ङए चेला तल् आखाँ।

खाबइ ह्रोंसए क्रूस नोसि ङए लिलि आप्र च ङए चेला तल् आखाँ।

तलेबिस्याँ ह्रोंसन् थेब् प्‍हैंबै म्हिमैं परमेश्‍वरजी च्‍योंब लवाब्‍मुँ, दिलेया ह्रोंसन् च्‍योंने तसि टिब्मैंलाइ परमेश्‍वरजी थेब लमिंब्‍मुँ।”

छतसि क्हेमैंए न्होंरि खाबइ ह्रोंसने मुँबै तोन्दोंरि सै आवथें च ङए चेला तल् आखाँ।

“क्‍हेमैं न्‍होंरि खाबज्‍यै या धिं बनेदा ङ्हाँस्‍याँ ‘धिं लबै ल्हागिर खर्ज कति ल्‍हैदिम्? ङने मुँबै मुइइ योम् उ आयो?’ बिसि ओंसोंन् चइ बिचार आल रो वा? बिचार आलस्‍याँ चइ जग मत्‍त्रे झोंसि धिं प्हें सैल् आखाँस्‍याँ म्रोंब्मैं ताँनइ क्हिलाइ प्‍‍ह्रब्मुँ। ‘चु म्‍हिइ धिं बनेबर होंइ दिलेया धिं प्हें सैल् आखाँ बिसि चमैंइ,’ बिब्मुँ।

बरु भत्‍यार लमा ङ्हाँदुमैं, डुँडामैं, खोडमैं नेरो कन‍मैं हुइद्। छ लस्याँ क्‍हिइ आशिक योंब्‍मुँ। तलेबिस्याँ क्‍हिए खि चमैंइ फोल् आखाँ। दिलेया परमेश्‍वरजी बिब म्हाँदिबै म्हिमैं सिसि धबै सोगों तमा आयोंब्मैंलाइ पिंबै सैमैंए खि परमेश्‍वरजी क्‍हि पिंब्‍मुँ।”

“चज छ्याँबै सै ग, दिलेया चजए स्‍वाद म्हयाइ बिस्‍याँ धबै चए स्‍वाद तो सैइ खल् लब? च म्हिमैंए ल्हागिर केर आफे सए ल्हागिरै या मला आत। छतसि च स्‍वाद आरेबै चज म्हिमैंइ भ्‍योंवाम्। “थेबै न्ह मुँब्मैंइ थेरिगे।”