Popular Bible Verses from लूका 15

Share

“झाइले च रेसि आबा ङाँर ह्‍यारिमा च धिंउँइँले ह्रेंगोर खरिब चए आबाइ म्रोंइ। छले ह्रोंसए च्ह एखरिब् म्रोंसि आबा बेल्‍ले सैं तोंइ। धै च्‍ह ङाँर न्हेह्‍यासि अँउँलो खोएसि म्वें लइ।

तलेबिस्याँ चु ङए च्‍ह सियाल, दिलेया सोसि खइ; म्‍हयाल, दिलेया योंइ।’ छतसि चमैं सैं तोंदै भत्‍यार लसि चब् थुँब लबर होंइ।

“ङ क्हेमैंने बिमुँ, ‘ङइ पाप के लइमुँ ङलाइ क्षमा पिंन्,’ बिल् आत्हुबै कुच्युसे कु धर्मि म्‍हिमैं भन्दा ‘ङ पापि मुँ, ङइ पाप केमैं लइमुँ, ङलाइ क्षमा पिंन्,’ बिसि सैं एबै म्‍हि घ्रि म्रोंसि परमेश्‍वर स्‍वर्गर बेल्‍ले सैं तोंम्।”

तारे ङ आबा ङाँर ह्‍यासि आबाने छ बिम्, “ओ आबा, ङइ क्हिए ताँ आङिंसि परमेश्‍वर नेरो क्‍हिए बिरोधर आछ्याँबै के लइ।

च्‍हइ आबाने बिइ, ‘ओ आबा, ङइ क्हिए ताँ आङिंसि परमेश्‍वर नेरो क्‍हिए बिरोधर आछ्याँबै के लइ। तारे ङ क्‍हिए च्‍ह बिबै लायकर्बै आरे।’

“क्‍हेमैं न्‍होंरि खाबलैया क्‍यु प्र मुइबिस्‍याँ च क्यु प्रए न्‍होंरि घ्रि म्‍हयास्‍याँ चइ कुच्युसे कु क्यु क्ह्‍योंर्न वाथेंसि म्हयाबै क्‍यु आयोंन् समा आम्‍है रो वा?