Popular Bible Verses from LUKA 5

Share

Tin, thusawi a bân chuan Simona hnênah, “Li thûk lam pan la, sangha man tûrin in lênte dêng rawh,” a ti a.

Tin, Simonan a hnênah, “Zirtîrtu, rim takin zankhuain kan bei a, eng mah kan man lo va; nimahsela, i thuin lênte ka dêng leh ang e,” a ti a, a chhâng a. Tin, an han den chuan sangha tam tak an khuh a, an lênte chu a chat pheuh pheuh va.

Nimahsela, ani chu thlalêrahte a kal hrang a, a ṭawngṭai ṭhîn a.

Mi fel takte lam tûra lo kal ka ni lo va, mi sualte lama simtîr tûra lo kal ka ni zâwk,” a ti a, a chhâng a.

Tin, Simon Peteran chu chu a hmuh chuan Isua khûp kiangah a bawkkhup a, “Lalpa, mi kalsan rawh, mi sual ka nih hi,” a ti a.

Tin, Isuan an hnênah, “Mi hrisêlte chuan dâktawr an ngai lo va, mi bawrhsâwmte zâwkin an ngai a ni.

Tin, an lawngte chu vaukamah an dah a, engkim kalsanin amah chu an zui ta a.

Tin, heti hi a ni a, khaw pakhata a awm laiin ngai teh, mi pakhat phâr bawm hi a awm a, ani chuan Isua a lo hmu a, lei siin a bawkkhup a, “Lalpa, i duh chuan mi tithianghlim thei e,” a ti a, a ngên chiam a. Tin, ani chuan a han ban a, a dek a, “Ka duh e, lo thianghlim tawh ang che,” a ti a. Tin, chawplehchilhin a phâr chu a lo reh ta nghâl a.

Nimahsela, a chanchin thu chu a thang lehzual sauh va; mipui tam tak a thu hriat duh leh an nâte tihdam duhin an rawn inkhâwm chiam a.