Popular Bible Verses from MARKA 2

Share

Tin, Isuan chu chu a lo hria a, an hnênah chuan, “Mi chakte chuan dâktawr an ngai lo va, mi bawrhsâwmte zâwkin an ngai a ni; mi fel takte lam tûra lo kal ka ni lo va, mi sualte zâwk lam tûra lo kal ka ni,” a ti a.

Tichuan, Isuan an rinzia chu a lo hmuhin zeng hnênah chuan, “Ka fa, i sualte ngaihdam a ni tawh e,” a ti a.

Tin, amah vêkin an hnênah chuan, “Chawlhni hi mihring tâna siam a ni a, mihring hi Chawlhni tâna siam a ni lo

Tin, mipui avânga a kiang hnaia an lo kal theih loh avângin, a awmna in chung chu an ṭhiat a; tin, an reh pawh zawhin, a âwngphah chu a chunga mi zeng mu chawp chuan an zuk thlâk a.

Eng pawh ni sela, khawvêlah Mihring Fapain sual ngaihdam theihna a nei tih in hriat nân, (zeng hnênah chuan) “Tho la, i âwngphah la la, i inah kal rawh, ka ti a che,” a ti a.

Zeng hnênah hian, ‘I sualte ngaihdam a ni tawh,’ tih leh, ‘Tho la, i âwngphah la la, kein kal tawh rawh,’ tih hi a eng nge sawi awl zâwk?

Tichuan, ani chu a tho va, a âwngphah chu a la ta nghâl a, an zaa hmuhah chuan a kal chhuak ta a; chutichuan, an zain mak an ti hle a, “Hetiang rêng rêng hi kan la hmu ngai lo,” tiin Pathian an fak ta a.