Popular Bible Verses from MARKA 1

Share

Tin, zîngah khawvâr hma daihin a tho va, a chhuak a, thlalêr hmunah a va kal a, chutah chuan a ṭawngṭai a.

“Hun chu a lo thleng ta a, Pathian ram pawh a lo hnai ta; sim ula, Chanchin Ṭha hi ring rawh u,” a ti zêl a.

Chu veleh tui ata a chhuahin, vân inhawnga Thlarau ṭhuro anga a chunga lo chhuk a hmu a. Tin, “Nang, ka Fapa duh tak i ni a, i chungah ka lâwm êm êm a ni,” tiin vân aṭangin aw a lo chhuak a.

Kei zawngin tuiin ka baptis ṭhîn che u a; ani erawh chuan Thlarau Thianghlimin a baptis ang che u,” tiin a hril a.

Tin, Isuan an hnênah, “Mi zui rawh u; tichuan, mihring mantuah ka siam ang che u,” a ti a. Tin, lênte chu kalsanin an zui ta nghâl a.

A thu zirtîr chu mak an ti hle a; lehkhaziaktute ang lova, thuneihna nei âwm taka anmahni a zirtîr avângin.