Popular Bible Verses from MARKA 6

Share

Tin, ani chuan an hnênah, “Nangmahniho ngawtin thlalêr hmunah a hrangin lo kal ula, châwl rih rawh u,” a ti a. (Mi tam tak an insûl zut zut a, chaw takngial pawh an ei hman si lo va.)

Tin, Isuan an hnênah, “Zâwlnei chu ama khaw lamah te, ama laichîn zîngah te, ama inah te chauh lo chuan chawimawi lohvin a awm ngai lo,” a ti a.

Tichuan, ani chu vaukama a chhuah chuan mipui tam tak a hmu a, vêngtu nei lo berâmte ang an nih avângin a khawngaih ta êm êm a, thu tam tak a zirtîr ta a.

Tin, mi damlo tlêm te chunga kut nghata a tihdam chauh lo chu, chutah chuan thilmak rêng a ti thei lo va. An rin loh avângin mak a ti hle a. Tin, zirtîr chung zêlin khuate chu a fang vêl a.

Tin, ani chuan chhangpêr panga leh sangha pahnih chu a la a, vân lam enin mal a sâwm a, chhangpêrte chu a phel a, an hmaa hlui tûrin a zirtîrte hnênah chuan a pe a; sangha pahnih pawh chu mi zawng zawng zîngah a sem bawk a. Tin, an vaiin an ei a, an puar ta hlawm a. Tin, chhang nawi leh sangha nawite chu bâwmrâng sâwm leh pahnih an rût khat a.