Popular Bible Verses from MARKA 5

Share

Tin, ani chuan a hnênah, “Ka fanu, i rinna hi i dampui a ni e, thlamuang takin kal la, i natna ata chu lo dam hlen tawh ang che,” a ti a.

Tin, hmeichhe pakhat, kum sâwm leh kum hnih thi pûtin a damlo va, dâktawr tam tak lakah nasa takin a tuar tawh a, a neih zawng zawng pawh a dek ral zo tawh a, ṭhathnem ahnêkin a lo zual zâwk mah a.

Tin, chawplehchilhin a thi pût chu a lo reh ta nghâl a, a nâ chu tihdam a ni tih a taksaah a inhre ta a.

Tin, naupang kut chu a chelh a, a hnênah chuan, “Talitha Kumi!” a ti a (chu chu, “Chêmtê, tho rawh, ka ti a che,” tihna a ni).

A la ṭawng lai mêkin inkhâwmna in hotu in ata chu mi an lo kal a, “I fanu a thi ta; engah nge zirtîrtu hi i la tihhah cheu dâwn?” an ti a. Isua erawh chuan an thusawi chu bengkhawn lovin, inkhâwmna in hotu hnênah chuan, “Hlau suh, ring mai rawh,” a ti a.

(Isua chuan a hnênah, “Nang, ramhuai bawlhhlawhpa, mihring chhûng ata hi chhuak rawh,” a lo ti tawh si a.) Tin, ani chuan, “I hming eng nge ni?” tiin a zâwt a. Tin, anin a hnênah, “Ka hming chu Nuaia a ni, tam tak kan ni si a,” a ti a.