Popular Bible Verses from MARKA 4

Share

Tin, ani chu a lo harh a, thli chu a hau va, dîl hnênah pawh chuan, “Ngawi la, awm hle hle rawh!” a ti a. Tin, thli chu a bâng a, a lo reh ta ṭhuap mai a. Tin, ani chuan an hnênah, “Engati nge chuti êma in hlauh ni le? Rinna rêng in la nei lo a ni maw?” a ti a.

Tin, hlauh namênin an hlau ta lo va, “He mi hi tu nge ni le, thli leh dîl lam pawhin a thu an âwih hi?” an ti hlawm a.

Tin, ani chu lukham chu khama muhîlin, lawng mei lamah chuan a awm a. Tin, an kai tho va, a hnênah chuan, “Zirtîrtu, kan boral hi pawi i ti lo vem ni?” an ti a.

Tin, amah vêkin an hnênah chuan, “In ngaihthlâk chu eng nge a nih fîmkhur rawh u; in tehna ngai bawkin an tehsak ang che u a, an pe tam zâwk mah ang che u.

Tin, amah vêkin, “Pathian ram chu hetiang hi a ni; miin leiah hian chi theh sela, zânah muhîlin chhûnah tho ṭhîn sela, chi chu, a zia a hriat lohvin lo ṭiakin lo ṭhang sela; chutiang chu a ni.

Tu pawhin hriatna tûra beng an neih chuan hre rawh se,” a ti a.