Popular Bible Verses from OŌYƐBƐ̄CƐ 3

Share

Ɔwɔicō kahíníī, “Ami nōo wɛ ami ā. Ɛ̄nyā wɛ ɔdā nāa í ka lɛ uwá á. ‘Ɔ̄cɛ nēé hī ka Ami tú um ɛhɔ̄ fu aá á

Anɔ́ɔ Ɔwɔicō tá ɔ̄ ohi kahíníī, “N géē yɔ̄ mla uwɔ, cɛ́ɛ́ eko nāa lɛ ācɛ bītá wɛ̄ɛcɛ ŋmá Íjīpiti, a géē gbā um ɛ̄gbā ɛyí ɛfu nyā. Ɔ́ɔmā géē wɛ ɔdocābɔ̄ gā uwɔ ka ami tū uwɔ ɛhɔ̄ á.”

Anɔ́ɔ Ɔwɔicō da ɔ́ kahíníī, “Ā híī wā ajaajɛ ŋ́, lɛ áblákpá kú uwɔ plla ŋmá ikpó. Ohígbū ka, ɛga nāa háyi ā, wɛ ɛga otīihɔ.”

Anɔ́ɔ Óndú ā kahíníī, “N le ōwē kú ācɛ ɔlɛ́ um nēe bá Íjīpiti ā má ɛɛ́. N klla le ikwū nēé je ohígbū ōwē nɛ̄ aɔ́kpani uwā gē yá uwā ā pó ɛɛ́. N jé ɛjɛ̄ɛ̄jī ōwē nēé yɔ̄ ī má ā. N gáā hɛ́ uwā tá ŋmá abɔ̄ kú ācɛ kú Íjīpiti ɛɛ́. Ká n̄ lɛ uwá kpó bɛ̄cɛ ŋmá ajɛ ɔ́ɔmā, ga ajɛ olɔhi nōo wɛ ajɛ o gbiyē nɛɛ ā. Ajɛ kú ācɛ Ukénan, ācɛ Uhɛ́ti, ācɛ Ámɔn, ācɛ Upɛ́ris ācɛ Ujɛ́būs mɛ́mla ācɛ Uhám.

Anɔ́ɔ Alelékwū-otɛ̄hɔ̄ kú Óndú ā le hɛ́wɛ̄ɛcɛ ɛgiyí nū bɛ̄ɛka ígblɛ́nyī ɔlá nōo yɔ̄ ī bɛ̄cɛ ŋmá ɔtāhɛ̄ ácí āa. Umósīsi má abɔ̄ ɔlá yɔ̄ ī yi ɔtāhɛ̄ ácí ā. Amáŋ, ácí ā í kē yɔlá ŋ́.

Wā, n géē tū uwɔ ɛhɔ̄ fu Uféro kóō lɛ ɛga je gā awɔ ká ā lɛ ācɛ ɔlɛ́ um, ayí kú Ísrɛ̄lu ā kpó bɛ̄cɛ, ŋmá ajɛ kú Íjīpiti.”