Popular Bible Verses from OHÚTU 26

Share

Lā ajɛ ɔ́ɔmā, n géē yɔ̄ mɛ́mla uwɔ, klla géē hɔ́hā ce uwɔ. N géē je odúúdú ajɛ nyā gā uwɔ mɛ́mla ipɔ́ɔma kú uwɔ. N géē le okónu nɛ̄ n ce lɛ ádā uwɔ Ébrahām ā tū.

N géē kpó ayááyí gā uwɔ n­ēe géē lɛwa bɛ̄ɛka aínyílɔ́wɔ kú ɔkpáncō ā. N géē je odúúdú ajɛ nyā lɛ ipɔ́ɔma kú uwɔ. Odúúdú aéwo géē da um ka n̄ lɛ ɔhā hɛ́ ce uwá ɛ́gɛ́nɛ̄ n hɔ́hā ce ayááyí uwɔ āa. N géē hɔ́hā ce uwɔ, ohígbū ka Ébrahām lɛyítáajɛ gā um klla le odúúdú aíne mɛ́mla ɔ́da kú um tū.”

Ó nyɛ̄ɛ̄ ŋmá abɔ́ɔ gaá le obugā ɔhá bū kpɔ́, amáŋ é yá ikpɛ́lā ce ɔ́ɔmā gɛ ŋ́. Anɔ́ɔ ó kwú iyē ú ce ɔ́ ka “Urēhɔ̄bɔ̄t” nɛ̄ ɛyí nū wɛ “Ɔwɔicō le ɛga yá lɛ alɔ ɛɛ́. Alɔ géē nyīla ajɛ nyā mɛ́ɛ́nɛ.”

Anɔ́ɔ Óndú ā gā ɛgiyí nū, gaá da ɔ́ kahíníī, “Ā híī nyɔ̄ Íjīpiti ŋ́. Lā ajɛ nɛ̄ n géē ka gā uwɔ ā.

Áyísīki le ede ma abɔ́ɔ, le ɔkɔ gbā lɛ Ɔwɔicō klla le áklɔ̄kpɛ kú nū cē kwaajɛ abɔ́ɔ. Abɔ́ɔ ā, ācocɛ̄hɔ̄ kú Áyísīki ā klla le obugā ɔhá bū.