Popular Bible Verses from OHÚTU 39

Share

Óndú ā yɔ̄ mɛ́mla Ujósɛ̄fu, anɔ́ɔ ó cɛ̄ lɛ ɔ́ jɛ̄ gɔbū ipú ɔdā dóódu nōó lɛ abɔ̄ kwu ɔ́ ā. Ó lā ɔlɛ́ kú ɔ̄cɛ Íjīpiti, ɔkpani nū

Upɔ́tīfa kwú ɛjɛ̄ɛ̄jī ɔdā nōó lɛ ā ú kpó tū Ujósɛ̄fu abɔ̄, anɔ́ɔ ɔdā dúúmā í wɛ ɛlā nū gɛ ŋ́, ń táafú ɔdōlé ōfōōfūnū. Ujósɛ̄fu jōklóbīya klla héyīfuú nɛ̄hi.

Anɔ́ɔ ó kwú ɔ̄ ú yá otrɛ̄yí kú aálagbá ohile ā, ɔdā dóódu nōo yá abɔ́ɔ ā yɔ̄ abɔ̄ kú Ujósɛ̄fu.

Anɔ́ɔ ó le Ujósɛ̄fu kwú, kwú ɔ̄ ú tá agbá, ɛga nēé gē kpó aálagbá kú ɔlɛ́ ɔcɛ́ bá ā. Anɔ́ɔ Ujósɛ̄fu klá agbá abɔ́ɔ á. Amáŋ, Óndú ā yɔ̄ mla Ujósɛ̄fu, klla le ɔhā hɛ́ ce ɔ́. Ó le yá kú ɛlā kú Ujósɛ̄fu kóō he otrɛ̄yí kú aálagbá ā ɔtū

Anɔ́ɔ eko kpiī ā, ɔnyā kú ɔkpani nū ā gbɔɔ́ ō hɔ́ɔkɔ Ujósɛ̄fu. Anɔ́ɔ ó gbɔɔ́ ō da ɔ́ kóō gwutá mla anúɔ á. Amáŋ Ujósɛ̄fu tá klla da ɔ́ kahíníī, “Mɔ́ɔ̄, ɔkpanī um ī lɛ ɛlá wu ɔdā dúúmā ɔlɛ́ nyā ɛ́ɛ́ gɛ ŋ́, ohígbū ka n yɔ̄ amānyā. Ó klla kwú ɔdā dóódu nōó lɛ ā ú kpó tū um abɔ̄. Íkwu dóódu nōó lɛ ɔlɛ́ nyā nɛ̄ n lɛ dúú á. Ó lɛ ɔdā dúúmā tayínū gā um ɔlɛ́ nyā ŋ́. Ń táafú ŋ́, awɔ nōo wɛ ɔnyā nū ā. Ɔwɛ nyá nɛ̄ n géē yá ɔdōbɔ̄bí ɛ́gɛ́nyā cɛ́ɛ́ ká n lɛ íne kú Ɔwɔicō bīya āā?

Amáŋ, ɛ̄cī éyi, Ujósɛ̄fu le yɛ tá ipú inu gaá yúklɔ́ kú nū, ɔ̄cocɛ̄hɔ̄ dúúmā í yɔ̄ abɔ́ɔ ŋ́. Ɔnyā ā kwú abɔ̄ ú kwú úwé kú Ujósɛ̄fu, anɔ́ɔ ó da ɔ́ kahíníī, “Wā í gwutá mla um.” Amáŋ, Ujósɛ̄fu tá, le úwé ā plla wu ɔ́ abɔ̄. Anɔ́ɔ ó le kwu bɛ̄cɛ ŋmá inu á.