Popular Bible Verses from Odeyi 1

Share

Ịjị Ụhwẹ Ọnịnị ọ̀ọ ká wụ nịnị vẹ, ụ vaa dọ ụkata nịnị, dị ụ waa kà ịrẹyị amị nịnị Íjerusarẹmị ọnịrị ịnị avaba Ijudiya ne beri Ịsamarịya ọnịrị ịzị ẹhẹ na ta ịrẹsụ hi.”

Dị Ijeesu kà a yị wa ka, “Ada amị ọ nyị ụkata ẹkụhị ọnịrị ụmẹ nị, ẹ yị nyị áawụ nịnị rị ka wa yẹ ụmẹ ọnọọ nịnị.

Ẹ mẹ̀ sị wara gụ, dị Ijeesu hú wa ụvọ, dị ọ ka, “Asị ụ hụrẹ Ijerusarẹmị nịnị! Ama jẹẹ zí ẹyịza ana Ada amị wo oto anị ka ọnị vaa sịị yị wụ nịnị anka m mẹ̀ vịdị kà a wụ nịnị. Ịyẹẹyẹ, enyi obooro Ị́jọọnụụ̄ sịị mẹ ọyịhwenyii yị aza nị. Ama yị ẹwụ nịnị, ọ̀ọ na aa mẹ ẹkụhị chee, Ohomorihi vaa sị Ụhwẹ Ọnịnị hụụ wụ nịnị enyi.”

Ị́rẹma isu anị, ộ vana sị ẹngụ zụ̀ ezirẹma anị ụmẹ ọrụrụ-ọrụrụ, ọ mẹ̀ ha hụụnị isu. Ê re e mẹ ẹkụhị ẹbẹẹva ini oze ana ahịka ọza ọ yị zụ jị ọọ ịrẹka ka ọ yàra. Ộ kà a yị wa ịjọva Ohomorihi mẹmẹ yà.

Ịjị ọ maanị sị ịrẹyị kà yị wa, dị Ohomorihi sị ọọ nọ ẹbẹẹba nị. Ẹ́nịnị mèe yii re e, di eguhi vú ọọ hi wa eyi nị.

Íjeesu mè si hu, dị ẹnịnị sị eyi pe ẹbẹẹba gegege ee re, di e re ka aza ẹnị ẹẹva ene chire awuru ọvwọọvụ ka ệ jẹẹ pe ẹnị nị. Dị ẹ ka, “Ẹwụ nịnị Anigariri, sị ẹ vẹ dị ụ maanị jẹẹ, dị ụ và eyi hịrẹ ee re ẹbẹẹba nịnị? Ijeesu ọnọnị ana hụụ ịdị awụ nịnị nọ ẹbẹẹba aanị, ọ rẹ vanaa vẹ, anka u mè re e ka ộ hịrẹ nọ ẹbẹẹba nịnị aanị.”