Popular Bible Verses from Ọyịkụra 7

Share

Dị Ẹnẹyịmavara va kà a yi Imosiisi dị ọ ka: Ọnị ọ raà mẹ ka Imosiisi ọ̀ yà anka Ohomorihi avọọ ini eyi Ihwarawo. Eerọnị ẹnẹbẹnị Imosiisi ọ vaa kà ịrẹyị Imosiisi yị ohinọyị anka ọnịsẹ avọọ nị.

Dị Ẹnẹyịmavara kà ama ọnị vaa mẹ ka ayị Ihwarawo ọ̀ katẹngụ. Ọnị ọ̀ọ daka mẹ̀ ụkọrọ ịvọpa irenyi-irenyi ịnị ẹtẹ Ijipiti. Ihwarawo ọ yị vaa dọ ịrẹyị anịị tụ́ ịzọọ. Ịjọnọọ dị ọnị tana ụvọ za Anijipiti dị ọnị ọ̀ va kụ́ aza anị Anisirẹrị dị ọnị ọ̀ kụ́ wa ógu-ógu hụụnị ẹtẹ Ijipiti.

Ọ kà ịhị ọnị ọ̀ọ tana ụvọ za Anijipiti dị ọnị kụ́ aza anị hụụ ịda ẹnịnị nị, Anijipiti vaa yẹ ka ọnị ọ̀ vị Ẹnẹyịmavara nị.

Di Ihwarawo hị́ aza anị ana yẹ ịsa beri ọpọchị ọnịrị ọnịvọpa ene hi Ijipiti gụ nị. Dị ẹnị rẹ sị ịvọpa ẹnịnị mẹ̀ ịsa oni Imosiisi ọnịrị Eerọnị mẹ nị. Di ẹnị re ne okutẹ ẹnịnị hi ẹtẹ dị ẹ vara ẹwụ nị. Ama dị okutẹ Eerọnị na, dị ọ za okutẹ Anijipiti ẹnẹẹ, dị ọ mụnẹ wa nị.

Dị Ẹnẹyịmavara rẹ kà a yọ ka ọnị ka ọsọnị ọ vaa mẹ ka ọ̀ yẹ ka ọnị ọ vị Ẹnẹyịmavara nị. Ọ kà ọ̀ rẹ kà a yọ ka ọ vaa sị okutẹ ana yarị ọ aanị nya enyi ini Ịnayịrị, dị ọ vara.

Ihwarawo ọ̀ọ kà a ka ẹ̀ mẹ̀ ụkọrọ ịvọpa dị ọnị ọ̀ yẹ ka ịzẹyịza ẹ yaa kà nị, dị ẹ kà a yị Eerọnị ka ò ne okutẹ anị tịtẹ ọvịdị Ihwarawo. Ọ kà okutẹ ọnọọ vaa vara ẹwụ. Ịzẹyịza di Imosiisi ọnịrị Eerọnị si hu aa nọ ịda Ihwarawo nị. Ịjị e tù ịzọọ, dị ẹ mẹ ịsị Ẹnẹyịmavara kà a ka ẹ̀ mẹ nị. Di Eerọnị ne okutẹ anị tịtẹ ọvịdị Ihwarawo ọnịrị ene pè sị ụvọ za ịjọva nị. Di okutẹ ọnọọ sị vara ẹwụ nị.