Popular Bible Verses from Iruuku 8

Share

Ama aza ẹnẹnị vị ana yà anka ihu ene e mi tụ́ ịnị ẹtẹ ozoza. Ẹ mẹ̀ wụ́ ịrẹyị ọnọọ, ệ sị tụ́ ịnị ayị ẹtẹẹtẹrẹ, dị ẹ tangwa sị isuuru aa nyị ẹtụtụ nị.”

Aza ẹnẹnị vị ana yà anka ihu ene e mi tụ́ ịnị akakana ikeyi. Ẹ mẹ̀ wụ́ ịrẹyị ọnọọ, dị ẹyaa vụrị nị. Ama ariro ẹhẹ ọnịrị ẹkẹhị beri ụbanyị ẹhẹ ọnọnị ộ za ịrẹyị ọnọọ rị; agụvị avọọ ẹtụtụ ẹnịnị e yi ve vi.

Aza ẹnẹnị vị ana rẹ yà anka ihu ana hụrẹ tụ́ ịrẹsụ ịda. Aza ẹnẹẹ mẹ̀ wụ́ ịrẹyị ọnọọ, ệ wụsẹ sị ịrajẹ dọ ọ. Ama agụvị ka ịrẹyị ọnọọ o yi re aha ha ẹpa ngụ ịnị ayị ẹnịnị, ệ dọ ọ tụ́ ịnị ayị chee; ịjị ẹzamare vẹ, dị ẹ và hụụnị anị nị.

Di Ijeesu kà a yị wa ka, “Ịzị ẹdọwụ awụ nịnị yà?” O si hí wa irenu, angwa ee hí wa, dị ẹ yaa kà a yị ẹngụ ka, “Ẹngụ ọza ịsị ẹ vị ọnọnị kẹ? Aa mẹ ọdaa yị ahị ọnịrị irehu bẹẹ, ẹ yaa wụ́ụ chire e.”

Aza ẹnẹnị vị ana yà anka ihu enee mi tụ́ ụtọ oze; aza ẹnẹnị mẹ̀ yị wụ́ ịrẹyị Ohomorihi kẹnẹ, di Echu wụsẹ vẹ, dị ọ va sị ịrẹyị enee mi tụ́ ayị ẹnịnị ịzọọ nị, ka ẹ̀ yị vị avọọ, ẹ va dọ wụ́, di Ohomorihi dọ wa há.

Agụvị ka ẹ yị nyị ịsa ana tẹ, ẹnẹ ẹ̀ yị vaa tụ́ ẹhẹ; ẹ yị nyị ịsị ẹ tẹ, ọnị ọza ọ̀ yị vaa yẹ, dị ọ̀ yị rẹ vaa vẹ ịnị eyigede.

Ịjị ọnẹẹ ọnọọ re ka ọnị ọ yị zụ tẹ, dị ọ vẹ ẹgahị-ẹgahị, dị ọ tana tụra ẹtẹ ọ́vịdị Ijeesu, dị ọ kà a yọ éyi avaba aza ịsị ẹ vẹ dị ọnị va sị ụvọ kanyị Ijeesu, ọnịrị ẹ́ngụ anị mẹmẹ wụsẹ ta nị. Di Ijeesu kà a yọ ka, “Ozi, ẹngụ awụ ộ ta, agụvị ka wâ sị ayị tụra mị. Waa na ịnị ẹngwọọrọ!”

Di e ne tù Ijeesu, dị ẹ ha a nị, dị ẹ ka, “Nda, Nda! Yee vee sú, ọ!” Dị ọ kwẹẹtẹ nị, dị ọ tụ́ ahị ohuvọ ọnịrị enyi ana aa dà nị, dị avaba ẹnịnị jẹẹ keri, dị ẹtẹ tịtẹ sii nị.