Popular Bible Verses from Okunwẹngịapụ 4

Share

Ọ̀ ḅụ kẹngẹ mị wa ḍụaḅọrọma ḍọkịḅoḅịaye-ẹ, tomonikiri mị ḅie mgba jịnḅọ ḅarị ofori-ẹ, Tamụnọ Ḅe iniḅọ ẹrẹ seni tomoni pịrị, wa iniḅọ ḅụ ḅọrọ ḍụaḅọrọma nyana nwọ ḅẹḅọ.”

Ini tẹkẹ so sịkị, ini sime nyọ jikemẹ, inimgba Fịafịa Tẹmẹ Ḅe na ḅeinmẹ, seni sakị kụrọ kuḅie nwọse Tamụnọ oku mị nwọ ḍukopakụmamẹ.

Se mịọkụ Nyanaḅọ, ini ẹrẹmarịaye ma ḅụ elekima chụa, se ḅereni mine Ị́ya fịrịnwẹngịapụma pịrị, wa kụrọ kuḅie nyana se ị́ya oku mị nwọ ḍukopakụma.

Jizọs Ḅe ori mị fịafịa ḍiri mị ḅẹrẹ ḍukoḅọ ḅe-ẹ, ‘Ómine warị nama apụma ḍikisima ḍụparị mị vinpịkịḅo yelatẹịn ḍụparị sọsam!’

Ḅẹrẹchiri mị ḅe apụma anị ijira se inia ḅụ saramẹ Pita ḅe na Jọn ḅe na wẹrị kụrọ nyana ọkwẹịn kọn ḅara mị, ini ḍiri nemika papa apụ-ẹ nwọ ḅẹye ini nwọ na sịkị. Anị inia ḅụ okoromẹ na ini anị Jizọs Ḅe na nwẹngị gboloma apụ-ẹ.

Ḅereniapụ ma ogbo mị gbọrịye nwọ mịẹmẹ koroma ḅụ na kuḅiemgbọlụ ḅụ na. Gbọrịḅọ sọnị ḅẹkẹ na iniḅọ nyanaye ma iniḅọ-aye-ẹ, ọkụma inimgba ini nyana yegoyegoye nwọse jịnḅọ jịnḅọ na ḍiamẹ.