Popular Bible Verses from Ubutukilo 49

Share

Lukanda wa wanangana kechi akatuka kuli Yuda, mbwechi ya mukwa kuyula keechi kayichiza ku vungu lienyi ndoo ni kuze mwenya yo makasoloka, yoze atu maakononokena.

“Josefe kali ngwe chimbulu wa mu yambu, ngwe mwana wa chimbulu hehi ni meya, Akwa kole kaakufupa kumushiha, kaakumuhanga ni mata jo akwasa.

Alioze iye kali mukwa tonga, Zambi ya Yakoba, Mukwa Ndundo Jeswe, mwe Kafunga ka Israele, kakukolesa moko jenyi. Mwe Zambi ya tatenu kakukukwasa. Zambi Mukwa Ndundo Jeswe kakukuwahisa ni yiwape ya vula kwilu, ni yiwape ya meya kushi lia mavu, ni yiwape ya ana ni yimuna

“Yuda, akwenu maabwa nikukuchichimieka, muubwa ni kwoka akwa kole ha miliwu yo, akwenu maabwa nikukuhetamina. Yuda kali ngwe mwevu wa tambwe, kakushiha nikuhiluka mu chivwenge chenyi. Ngwe tambwe wa kuji kakuutama moko akwolola, ngwe tambwe wa chihwo, iya mahasa kumuhindwisa?

“Rubene, yena uli mwe kabula jimo, uli tachi jami, uli mwanami mutangu wa ukulwana wami, uli mukwa kulengumuka ni mukwa tachi kuhiana ana jami akwo. Yena uli ngwe lundunjila wa mahuhwa a meya alioze kuuchi kubwa mulemu Wahiana, mumu walimwene ni pwo lia yami tatenu, yiulelesa muhela wami.