Popular Bible Verses from Ubutukilo 50

Share

Yenu nwalivwishile ha kungulinga yibi, alioze yibi yize Zambi hanayipwisa yiwape ya kulamwina atu anji waze ali ni mwono musono.

Alioze Josefe yaamba ngwenyi: “Mala, kanda nwivwa woma! Yami nguli Zambi, nyi?

Alioze kanda nwivwa tuhu woma. Mungunufunga kanawa hamwe ni ana jenu.” Chenacho aalembejekele mba mbunge jo yijihwima.

‘Nukalweza Josefe ngwenu: Tukonekene kama mumu ha yibi yize twakulingile.’ Kashika tunakulembe, utuvwile kama keke, yetu ndungo ja Zambi ya tatenu.” Muze Josefe hevwa maliji waze, yabutuka kulila.

Josefe yambila ayayo ngwenyi: “Talenu, himungufwa, alioze ngunanyingika ngwami, Zambi makanufunga ni makanutuhwisa mu chifuchi chino, makanuhilwisa mu chifuchi chize alakenyene Abrahama, ni Isake, ni Yakoba.”

Mba Josefe yashingisa ana ja Israele ngwenyi: “Lishingenu ngwenu, muze Zambi makanutwala mu chifuchi chize, munukambata mujimba wami nikuya nawo.”

Mba Josefe yafwa kwenyi, te habwa ni miaka kulakaji ni kumi. Yaamukwita yitumbo kuzekwene ku Egiptu kuchina mabola, mba yaamusa mu mushete.