Popular Bible Verses from Luka 5

Share

Kur kwaghôron yô, A kaa a Shimon er: Kporom hen ijiir i i ze yô, za haa ukper enev sha u kôron ishu.

Kpa Shimon gema kaa er: Tere, se tsa keren kaka sha ican, kpa se zua a ma kwagh ga; kpa sha imo You yô, me haa ukper. Mba eren nahan yô, ve kôr ikpelaishu i vesen je, ukper vev gba anden.

Kpa A undu ior A yem ken taaikôngo, A gba za eren msen.

Mo M va sha u Me yila mbaperapera ga, kpa ka mbaasorabo, sha u ve̱ gema asema yô.

Er Shimon Peteru nenge nahan yô, a gure Yesu hen anu, a kaa er: Due hen mo kera, Tere, gadia mo m ngu or u isholibo je.

Yesu gema kaa a ve er: Ka mbadedoo kwagh a gbe ve a ortwer ga, saa mba angev mbu ker ve la tseegh.

Mba dugh a utso sha tar yô, ve undu akaa cii, ve dondo sha a Na.

Tsô er A lu ken wangar ugen yô, nenge, orgen lu a imande iyol yoholoo; nengen a Yesu yô, a gure, a kuma ityough inya, a gba zamber a Na, kaan er: Tere, a lu ishima You yô, U fatyô u wanger mo. Tsô A naregh uwegh, A bende un iyol, A kaa er: M rumun, i̱ wanger we! Fese nahan imande maa bee un.

Kpa gwa Na hemba seer samber a samber; ikpelaior kpishi kohol sha u ungwan Un man shi u A̱ war ve sha uange.