Popular Bible Verses from Luka 6

Share

Na nen, nahan ne kpaa á na ne; ikaren i dedoo, i kindigh, i yegher, i ivin poo, á na i sha ikum yen, gadia ikaren i ne karen a mi ne, ka i á va kar ne sha min ye.

Orinjaa ka nan due a kwagh u dedoo ken kwagh u ikoogh u ken ishima i nan je, man orbo kpaa ka nan due di a kwagh u bo ken kwagh u bo u ken ishima i nan je; gadia ka sha m-iv u ken ishima man zwa u er kwagh ye.

Kpa mbaihomov enev ve̱ doo ne ishima, eren nen a ve doo doo, pwaren nen kwagh, kpa de veren nen ishima u shi ngohol kpee ga; nahan injar yen ia lu i vesen je, man né lu ônov mba Uhembansha ye; gadia Wen yô, eren dedoo a mba ve lu a ishughun ga kua mbabov kpaa.

Yô, zungwen nen mhôônom er Ter wen kpaa A zungu mhôônom yô.

De gbe nan nen or ibo gagh ga, nahan ne kpaa á kera na ne ibo gagh ga ye; de gbe kuren kwagh u or dang ga, nahan ne kpaa á kera kure kwagh wen dang ga, pase tuhwa nen, man ne kpaa á pase ne á tuhwa ye.

Kpaa M ngu kaan ne mbaungwan mban ne Mer, doo nen a mbaihomov enev, eren nen a mba ve ker ne ihom la dedoo; ver nen mba ve toho ne la dedoo; man eren nen msen sha ci u mba ve eren ne akaa a dang la.

Man er i lu ne pe ior ve̱ eren a ven la, ne kpaa eren nen a ve di nahan kpaa.

U nana ta u sambe sha henge, gema nan kugenegh kpaa; u nana ngohol we ikondo i cirin iyol yô, de nyum nan riga kpaa ga. Hanma or u nana sôn u kwagh yô, na nan; u nana ngohol we akaa kpaa, de pin wer i̱ hide u a mi ga.

Gadia ma kon u dedoo ngu um ityamegh ki bogh ga; man shi ma kon u bo ngu um ityamegh ki dedoo kpaa ga.

Hanma kon, ka sha ityamegh ki u man i fe u ye; gadia mba zer tur sha usaa ga, man shi mba zer wain sha ageva ga.