Popular Bible Verses from Лука 13

Share

“Спробинэн зоралэ́с тэ заджа́н пир цясно вуда́р, пал-дова́ со бут мануша́, Мэ пхэна́ва тумэ́нгэ, явэ́на тэ родэ́н, соб (кай) тэ заджа́н андрэ́, и ёнэ на дэ́на ра́да (змогинэна).

Одо́й сыс екх джувлы́, сави́ сыс бизорьякири дэшуохто бэрш налачхэ́ духо́стыр (фаностыр); ёй сыс бандькирды и на могиндя́ тэ розбандёл. И ке́ли Ису́со дыкхця́ ла, Ёв кхардя́ ла кэ Пэ и пхэндя́: “Джувлие, яв састы тырэ́ бизорьякирибнастыр.”

И Ёв чхудя́ упрэ́ Лэ́скирэ васта́ пэ ла́тэ; и ада́й жэ ёй яця́ роўно и славиндя парикирибнаса Дэвлэ́с.

И, ґа́да, исын палатунэ́, савэ́ явэ́на англатунэ́; а исын англатунэ́, савэ́ явэ́на палатунэ́.”

Пало́ дава́, ке́ли кхэрэ́скиро хула́й уштэ́ла и запхандэла вуда́р, тэды тумэ́ явэ́на тэ тэрдён яври́ и явэ́на тэ марэ́н дро вуда́р, ракири́: ‘Раё Дэ́вла! Раё Дэ́вла.” Псирав (отпхандэ) вуда́р амэ́нгэ,” а Ёв отпхэнэ́ла тумэ́нгэ: “Мэ на джино́м (на джина́в) тумэн, каты́р тумэ́ сан?’

Над, Мэ пхэна́ва тумэ́нгэ, со, ко́ли тумэ́ на рискирэна пэ́скиро джиибэ́н грэхэ́ндыр кэ Дэвэ́л, тэды тумэ́ адя́кэ-паць хасёна.”

нэ Ёв пхэнэ́ла: ‘Мэ на джино́м тумэн, каты́р тумэ́ сан; джа́н Ма́ндыр криг тумэ́ сарэ́, кон кэрэ́ла чорипэ́н.’

Ису́со ж пхэндя́: “Пэ со зджа́ла (поджала) Дэвлэ́скиро Кралипэ́н дро Болыбна́скиро Раё. Со́са Мэ могина́ва тэ припарував (тэ прироўнинав) лэс? Ёв исын сы́рбы гарчычно зя́рка, сави́ ману́ш чхудя́ дрэ пхув пэ пэ́скири бар; и ёй выбария и яця́ сыр баро́ кашт (дрэ́во), кай чирикля́ болыбны́тка гарадёнас дрэ лэ́скирэ рандя́.”