Popular Bible Verses from LUCAS 16

Share

Ashalla charishcacunahuan allita ruhuacca, achcata charishcacunahuanpish allitami ruhuanga. Chashnallatac ashalla charishcacunahuan mana allita ruhuacca, achcata charishcacunahuanpish mana allillatatacmi ruhuanga.

Maijan servicpish ishcai amotaca mana servi pudinchu. Shuc amotaca piñangami, caishuc amotaca cuyangami. Mana cashpaca, shuc amotaca cazungami, cutin caishuc amotaca mana cazungachu. Chashnallatacmi maijanpish charicyana yuyailla cashpaca, Diostaca mana servi pudin» nirca.

Cancuna cai pachapi charishcacunahuan mana allita ruhuacucpica, Diosca huiñaita causangapac allicunataca cancunamanca mana cungachu. Shucpac charishcacunata mana allita ruhuashpaca, quiquinpac cashcatacarin imatachari ruhuanman.

Shina nicpimi Abrahamca: “Moisés mandashcacunatapish, Dios ima nishcata huillaccuna huillashcacunatapish mana cazushpaca, huañushcacunapuramanta maijan causarishpa ricpipish, ¡maitatac cazungayari!” nircami» nirca.

Maijanpish huarmimanta raquirishpa, shuc huarmihuan cazaracca huainayanmi. Maijanpish cusamanta raquirishca huarmihuan cazaracpish, huainayanllatacmi.