Popular Bible Verses from LUCAS 17

Share

Chashnami Jesusca chai runataca: —Can crishcamantami alliyashcangui. Cunanca jatarishpa rilla— nishpa cacharca.

Shuc punzhapi canchis cutin canta llaquichishpa juchallishpa, canchis cutinllatac: “Llaquirishpa, perdonai” nishpa shamucpica, perdonanguilla» nirca.

Paicunapuramanta shuc runaca pai alli tucushcata ricushpaca, Diosta alli nishpa caparishpami cutimurca. Chashna cutimushpami, Jesuspac ñaupapi pambacaman cumurishpa diosolopagui nirca. Ashtahuanpish chai runaca, Samaria llacta runami carca.

¡Allita cuidaringuichic! Maijan canta ima mana allita ruhuacpica cunashpa rimangui. Chaita uyashpa alli tucucpica, perdonangui.

Jesús paita tapushpaca: —¿Maipitac caishuc iscuncunaca? Chungatami alliyachircani.

Shina nicpimi Apunchic Jesusca: —Mostaza muyu shina ashallatapish crishpaca, cai jatun sicómoro yurata: “Caimanta anchuri, jatun cuchapi shayarigri” nicpica, cazunmanllami— nirca.

Maijanpish quiquin causaita llaquicca chingaringami, ashtahuanpish quiquin causaita mana llaquicca, huiñaitami causanga.

Jesusca paipac yachacuccunataca: «Juchapi urmaccunaca tiyangallatacmi. Shina cacpipish maijanpish juchapi urmachicca, ¡imachari tucunga! Huahuacuna shina ñucata criccunata maijanpish juchapi urmachictaca, cutana rumita cungapi huatashpa, jatun cuchapi shitanami ashtahuan alli canman.

Ima shinami Noé causai punzhacunapi carca, chashnallatacmi Runa Tucungapac shamushca ñuca cutimuna punzhacunapipish canga. Noé jatun barcoman yaicuna punzhacamanca, gentecunaca micushpa, ubiashpa, cazarashpa, cazarachishpami causacurca. Chashna causacucpimi, yacu juizhu shamushpa, tucuita tucuchirca.