—Mandashcacunata yachachiccuna yachachishcamanta cuidaringuichic. Paicunaca pambata aisacuc suni churanata churarishcami purinata munancuna. Plazacunapi tupaccuna paicunata manchaihuan alabachunmi munancuna. Paicunaca mai tandanacuna huasicunapipish, punta alli tiyarinacunapi tiyarinami munan. Shinallatac micungapacpish, punta alli tiyarinata mashcashpami tiyarin. Viudacunapac huasicunatapish quichuccunami. Chashna ruhuashpaca, alli ricuringapacmi unaita Diosta mañac tucun. Chashna ruhuashcamantaca, paicunallatacmi ashtahuan llaquita apanga— nirca.