Popular Bible Verses from LUCAS 21

Share

Chaimanta cancunaca allichirishca, ña rinalla shinami cana canguichic. Chai tucui llaquimanta quishpiringapacca, Runa Tucungapac shamushca ñucapac ñaupapi alli ricuringapac Diosta mañaracuichic» nirca.

Cancunallatac alli yuyarichic. Pacta machanallapi, micunallapi, cai pachapi imatapish charinallapi yuyashpa causacunguichicman. Pacta cancuna mana yuyashca horas chai punzhaca chayamunman.

Chashna llaquichicucpipish, tucui shunguhuan catirashpaca quishpiringuichicmi.

Ñucallatacmi cancunamanca rimana alli yuyaicunatapish cusha. Chashna allita rimacpica, cancunata piñaccunaca mana imata ni pudishpa, upalla saquiringallami.

Cai pachapish, jahua pachapish tucuringami. Ashtahuanpish ñuca huillashcacunaca pactacungallami.

Intipipish, quillapipish, lucerocunapipish jaicapi mana ricushcacunami ricuringa. Cutin cai pachapica mama cucha yallita cuyurishpa huajiacta ricushpami yallita mancharishpa, yuyaita chingachinga. Cai pachapi yalli llaquicuna catipi shamucpi, jahua cielopi tiyaccunapish chucchucpimi, gentecunaca yallita mancharishpa, yuyaita chingachinga. Chashna tucucpica, Runa Tucungapac shamushca ñuca poderhuan, sumaimana achiclla cashcahuan achicyachishpa, puyupi shamucuctami ricunga.

Ñucata caticushcamantami, tucui gentecunapac piñashca canguichic.

Maipica, jatun allpa chucchuimi tiyanga. Yalli yarcaipish, ungüicunapish tiyangami. Jahua cielopica, jaicapi mana ricushcacunami ricuringa. Yalli manchaimi tiyanga.

Cancunaca llactacunapura macanacuitapish, llacta ucupi macanacuitapish uyanguichicmi. Ama mancharinguichicchu. Chai llaquicunaca cai pacha manarac tucuricpi tiyanallatacmi can. Chashna tucucpipish, cai pachaca manarac tucuringachu— nirca. Shinallatac Jesusca: —Llactacunapurami macanacunga. Jatun mandaccunapurapish macanacungami.

Intipipish, quillapipish, lucerocunapipish jaicapi mana ricushcacunami ricuringa. Cutin cai pachapica mama cucha yallita cuyurishpa huajiacta ricushpami yallita mancharishpa, yuyaita chingachinga. Cai pachapi yalli llaquicuna catipi shamucpi, jahua cielopi tiyaccunapish chucchucpimi, gentecunaca yallita mancharishpa, yuyaita chingachinga.

Shinallatac Jesusca: —Llactacunapurami macanacunga. Jatun mandaccunapurapish macanacungami.

Shina tapucpimi Jesusca: —Achcacunami ñuca shutipi shamushpa: “Ñucami Cristoca cani” ningacuna. Maijanca: “Cunanmi pai cutimuna punzhaca chayamun” ningami. Pacta paicunata pacta catinguichicman, ashtahuanpish alli yuyaihuan puringuichic.