Popular Bible Verses from Ẹyano 2

Share

Ọghẹnẹ de nyo enuebro rayen, Ọghẹnẹ da karohọ ọphọ rọ vẹ Ebraham, Aizik, kugbe Jekọp rere. Ọghẹnẹ da mrẹ ẹdia rẹ emọ rẹ Izrẹl, Ọ da re ehrọre rẹ ayen.

Vwẹ evun rẹ ọke buebu yena, ovie rẹ Ijipt de rhi ghwu. Emọ rẹ Izrẹl ki brenu fiki rẹ ọviẹn rẹ ayen epha na, ayen da viẹ, oviẹ rayen de bru Ọghẹnẹ rhe.

Ọmọ na da rhe rho, ọ da rọye vwo rhe ọmọtẹ rẹ Fẹro, ọ da rhe dia ọmọshare rọye. O de se odẹ rọye Mosis, ọ da ta, “Fikiridie mi muro nẹ ame rhe.”

Ọmọtẹ rẹ Fẹro na da ta kẹ, “Reyọ ọmọ nana yanran wọ ra ghẹrẹ kẹ vwẹ, me cha hwa osa wẹn kẹ wẹ.” Aye na da rọye ọmọ na ọ da ra ghẹrẹ.

Asakiephana ọmọtẹ rẹ Fẹro da rhe họ vwẹ urhie na, emetẹ rọye je yan nene vwẹ oma rẹ urhie na; ọ da mrẹ obere na vwẹ evun rẹ ẹgo na o de ji emetẹ rọye ra reyọ rhe.

Rẹ ẹdẹ ọvo vwo te re, rẹ Mosis vwọ rho nure, o de bru ihwo rọye ra, ra mrẹ oghwa rayen, ọ da mrẹ ohwo rẹ Ijipti ọvo ro hwe ohwo rẹ Hibru ọvo, ọvo vwẹ ihwo rọyen na. O de ni obonẹ ni obonẹ, ọke rọ vwọ mrẹ nẹ ohwo ọvuọvo mrẹẹ, o de hwe ohwo rẹ Ijipti na, o de sho.