Popular Bible Verses from JUAN 8

Share

Jesús cutin yachachi callarishpaca: –Ñucaca cai pachapi causajcunapaj luzmi cani. Maijanpish ñucata catijca, mana amsapi puringachu. Ashtahuanpish causaita cuj luztami charinga– nijpimi

Chashna cashpami, mana llullataca rijsinguichij. Chai mana llullami huatashca shinamanta cacharichinga– nijpimi

Jesusca, paita crij judiocunataca cashnami nirca: –Ñuca yachachishcacunata catirashpaca, ñuca yachacujcunatajmi canguichij.

Chashna cajpica cancunata huatashcamanta Taita Diospaj Churi cacharichijpica ña cacharichishcatajmi canguichij.

Paicuna cutin cutin tapucujllapimi, Jesusca: –Cancunamanta maijan jucha illaj cashpaca, pairaj cai huarmita rumihuan shitachun– nirca.

Chaimi Jesusca: –Pipish juchata rurana yuyailla rurashpa causajca, huatashca shinami juchapi causan. Chaica chashnatajmi.

Jesús shayarishpa pita mana ricushpaca, chai huarmitaca: –¿Maipitaj canta juchachicujcunaca? ¿Manachu maijan cantaca huañunami cangui nirca?– nijpimi, chai huarmica: –Amito, pi mana imata nincunachu– nijpi Jesusca: –Ñucapish imata mana ninichu. Rilla, pajta cutin juchallinguiman– nirca.