Popular Bible Verses from Lukasi 1

Share

Lawi ane Pue Ala, bara ara au bara Nabuku Nababehi.”

Nauli Maria, “Ane nodo, mengkoruna i hawana Pue Ala bona tunggaiaNa iriko ina mewali moula apa au nuuliangaana iti.” Roo indo, padumi malaeka iti mopalehi Maria.

Nahanai malaeka, “Inao Malelaha ina mendaulu irio, hai kuasana Pue Ala ina mobobongiko. Ido hai anangkoi au ina nupoanaka iti, ina rauli Anana Pue Ala au Malelaha.

Anti pepoinalaimu i lolitana Pue, morasi mpuuko, lawi apa au Nauliangaako, batena mewali!”

Ina mantimiko, hai ina moanako hadua tobalilo au hangangaa nuhanga Yesu. Ia ina mahile tuwoNa, hai Ia ina rauli Anana Pue Ala au melumbu kuasaNa hangko i ope-ope au rapenombai. Hai ina naangka Pue Ala mewali Datu, hai Napopohuda i pohudaana Datu Daudi, toioruNa. Anamu iti ina moparenta to Yahudi hawe i hae-haena, hai poparentaNa bara ina mokahopoa.”

Nauli mbuli malaeka iria, “Ineeko langa, Maria, lawi oio au napilei Pue Ala molambi pewati.