Popular Bible Verses from Markus 11

Share

Mewali, nipehadingi lolitaNgku ide: ane mekakaekau mamperapi ba apa-apa, hangangaa nipoinalai kaina Naweimi Pue Ala apa au niperapi, hai batena nilambi.

Tou mpuu au Kuuliangaakau: ane rapana niuliangaa bulu iti: ‘Teangkamoko, manawoko i lalu tahi!’ batena ina mewali asala bara bata-bata lalumi hai nipoinalai mpuu pewalina apa au niuli iti.

Ane mekakaekau hai ara mani rangami au mopakoi inaomi, niampungi hampai bona Umami au ara i suruga moampungi wori salami.

Nahanai Yesu, Nauli, “Mepoinalaimokau i Pue Ala!

Roo indo, Napaturohe, Nauli, “Bara pae niisa apa au teuki i lalu Sura Malelaha? Pue Ala manguli node: ‘SouNgku ina mewali sou pekakaea au rapake tauna hangko i humalele dunia.’ ‘Agaiana ikamu, nipopewaliri sou pogulua topebagiu!’ ”

Laomohe monontohi Yerusale. Bosa tauna meula Iria, arahe au moioru, ara worihe au i boko. Bosahe au mowoke hampinda i tanga rara au napoliungi Yesu, hai hantanga worihe lao mangala tawe harao i bonde hai rataleha i tanga rara, tanda pampomahilenda Yesu. Tauna au bosa iti, monganga-nganga liliuhe, rauli, “Hosana! Rawatimi Tauna au mai i lalu hangana Pue!

Rawatimi poparentaNa, Ia ina moparenta nodo Datu Daudi, toiorunta hangkoia. Horemangkai, O Pue Ala au indora i suruga!”