Popular Bible Verses from Markus 4

Share

Mearomi Yesu, liliu mokambaroa himburu hai balumba, Nauli, “Pengkaroo himburu! Tindamoko balumba!” Mengkaroo mpuumi himburu, hai unga pea lene rano. Roo indo, Yesu mouliangaahe topeguruNa, “Moapari hai langakau? Moapari hai bara maniNa nipoinalai?”

Tingkara mpuuhe topeguruNa, hai molololitahe hadua hai hadua, rauli, “Hemari tauna ide! Mogalo himburu hai balumba moula hawaNa!”

I tempo iti, Yesu tangana leta i ale au ara ntanda i taleu. Laohe topeguruNa morua, rauliangaa, “Guru! Moapari hai leta peaKo? Ina marugike!”

Mololita mbuli Yesu, Nauli, “Nipailalu apa au nihadi ide. Lawi ane ngkaia au nihadi hai nipeulai, ngkaia wori au ina napakanotoakau Pue Ala, ba melumbuto mani hangko inditi.

Mololita mbuli Yesu, Nauli, “Ane hawemi poparentana Pue Ala i dunia, pewalina nodo ngkora pandiri ide: hadua tauna lao motudai bondena. Maroa kaindi ba mabaa, maroa i tempona maturu ba i tempona mearo, tinudana iti tuwo liliu duuna mahile. Agaiana bara naisa topobonde noumba katuwona tinudana iti hai pane mahile.

Hema au motalinga, pehadingi maroa!”