Popular Bible Verses from Markus 5

Share

Yesu mouliangaa towawine iti, “AnaNgku! Maohamoko lawi mepoinalaiko Iriko. Mesulemoko maroa-roa. Maohamoko, barapi ara hakimu.”

I olonda tauna bosa, ara hadua towawine au hampulomi hai rompare motorare liliu, bara mengkangkaroo. Bosami belana rapakulii sando, duuna ope ihi souna napobalu napopobaiari. Agaiana bara mau maoha, karurumihiari hakina.

I kanatobona, unga pea teompo wahena. Nahadi maoha mpuumi.

(Tinuwuna anangkoi iti hampulo hai rompare.) Yesu mokingki taiena anangkoi iti, hai Nauliangaa, “AnaNgku, mearomoko!” I lalu basanda to Yahudi, nodemi lolitaNa, “ Talita kum !” Mearomi anangkoi iti hai liliu molumao. Tingkara mpuumohe ope-ope tauna au moita.

Tangana mani Yesu mololita, hawemohe bahangkia suro hangko i souna Yairus au mouliangaa Yairus, “Tua, anamu mepalehimi. Ineemoko mopakasusa Guru.” Kanahadina Yesu apa au rauli suro iti, Ia mololita i Yairus, Nauli, “Ineeko langa! Nupoinalai peamoNa!”

Yesu mowura seta au mampesuangi tauna iti, Nauli, “Melohomoko hangko i tauna ide!” Monganga tauna iti, nauli, “Yesu Anana Pue Ala au i suruga! Apari mai Nuala? Kuperapi bona modandiKo i lalu hangana Pue Ala, barana ina Nupopeahi-ahi.” Yesu mekune iria, Nauli, “Hema hangamu?” Nahanai, “Hangangku Legion, lawi bosangkai.”