Popular Bible Verses from ỤBANỤ 7

Share

Nazhɛ AGWANGWAMA hiɛŋ Moses. Hioko, N zhɛ ma bụ nda gana Agwatana pu Faro; ga Aron, batagwụ bụ, ubwa zhɛ ba sha bilesheji bu.

Ama tuba N zhɛ ma ta amɛ Faro tɛshɛshɛpana, iwɛ maa ge iyi tudama keeni iyi ya arụhwajɛ mi na kaana ufwugwo tugombo na cɛnjɛ ti Ijipti. Ama kaa ga Faro zha shɛ bo shilo ụcɛbɛ nu n-ndumwa mụ bụ o, iwɛ maa Ma pana cɛnjɛ ti Ijipti ulwapɛ na wumanjɛ, iwɛ maa Mo sugo unyama mu, aba shɛ miaụŋ mu ga mi Isrɛl maa Ma bacɛnga aŋ na cɛnjɛ ti Ijipti.

Aka na Ngoo mbo u'ala mu Ngee peteni uŋ ni Ejipti, nazhɛ Ejipti zhɛ a mapa maa Gamba n shɛ AGWANGWAMA, nazhɛ Ngɛɛ zhɛ mɛ bɛcinjɛ miaụŋ mi Isrɛl apata.

Ga Faro suyanɛ atwa ubwa ti'inta keeni anjɛ-tishino, anjɛ-tishino Ijipti njɛ tishino ta aba du gana ata. Bụtụ bụtụ ba aba keri bukwuto bwa na cɛnjɛ, shaa jɛshɛrɛjɛ ahwa. Ama tuba bukwuto Aron tweri shekwute sha aba.

AGWANGWAMA hiɛŋ, Ni inɛ gɛ, ɛbi zhɛ ba mapa maa ubwa shɛ AGWANGWAMA. Hioko, N zhɛ ma pa bukwuto ga Ngaa 'waŋnɛ nu Urefu ga, nazhɛ wɛɛ zhɛ wa jɛshɛrɛga mehieŋ.

Aka na ga Faro ihi hiɛŋ, Nda ma ụrụhwajɛ uko ma kwụba, aka ata hiɛŋ Aron, ga kala bukwuto bwa na cɛnjɛ nu umbe Faro, maa jɛshɛrɛga uhwa. Aka na go Moses na Aron zhe no ofwo Faro, aa njɛ gana na ta AGWANGWAMA ge peni aŋ unu. Ga Aron keri bukwuto bwa na cɛnjɛ nu umbe Faro keeni umbe anjɛ-ugondu ubwa, baa jɛshɛrɛjɛ ga uhwa.