Popular Bible Verses from ỤBANỤ 9

Share

Ama iwɛ inɛ gɛ kaa Ngee bi shiri, maa Mo bu mbisono ukpahiŋ Mu, iwɛ maa izeci mi beni urishi na cɛnjɛ tu unyizo kpaaŋ.

Nazhɛ AGWANGWAMA hiɛŋ Moses, Zhaga tonono Faro, mbiso bu maa AGWANGWAMA na shɛ Agwatana Ehibru hiɛŋ, Ganga atwa mi maa e zhe a n zhɛbɛ.

Hwuwayɛ go N eri ma bụ bacɛnganɛ ukpahiŋ mu maa Ma bụ nda ufwu nu ụngwụ ụwɛ keeni atwa bụ, iwɛ maa e bi becinji na cɛnjɛ tu unyizo.

N zhɛ ma tumwanɛ ụngwụ ụwɛ na zhɛ wa kwụna iyimabiga bụ, ti idɛkwɛ, tu nzhinyacɛ, tu nruhondo, ti inɛ, ti iyweywe keeni agwụdụ. Ama N zhɛ mo shilo ogwungwu ni iyimabiga ya atwa Isrɛl ni iyimabiga ya atwa Ijipti, iyimabiga nɛ atwa Isrɛl 'yajɛ zha shɛ yo 'wo okwo ike o.

Hioko, aka gana ga beyi, N zhɛ mɛ 'wɛŋ atayɛ-eshilo a'wụtụ a na usara wa aba ta zasaba la kwukwuŋ te kwuni na aka na ti Ijipti kwuni uuwa i ci aka ga. Iwɛbɛ po tumwana atwa hwuwayɛ go, maa a intanganɛ iyimabiga bu keeni iyi elele bu nɛ namɛ ne ehilo tebiye; iwɛnɛ ta atayɛ ata eshilo zhɛ a tagana bụtụ be elele keeni iyimabiga ye elele nɛ namɛ ne ehilo, nɛ ee suji shi maa a intanɛ ni ihwɛɛ, i zhɛ kaa yo 'wo.

Mi zhɛ ma sha upwupwutu na cɛnjɛ ti Ijipti kpaaŋ, mi zhɛ ma sha du shitwa shɛ na shi zhɛ sha tagana atwa, keeni iyimabiga na cɛnjɛ ti Ijipti kpaaŋ. Ee suji ga ma'alụ ma ata, ee shikeni na agba Faro, go Moses 'wɛŋ ma'alụ ma ata na azuba, maa shɛ ga shitwa shɛ na shi tegeni atwa, keeni iyimabiga.