Popular Bible Verses from Luk 7

Share

Mị ạḅeni nyịna mọ eboom ẹphomoghian phọ ẹphen ọdi mụphomoghian bọ ịmi meḍeenaan mọ mọwilenaan nyọdi ịbadi ịkaraph phọ ọdi. Tọrobo oye lọ ọwilenaan ịbam kạtuugh ni ịbam ạpomoghian.” Kụ ạJizos ạḅeni ạnir phọ mọ, “Mọsar ịkaraph phọ ạna ọwilenaan nyịna.”

Kụ ạJizos ạḅeni ạnir phọ mọ, “Omeeraam mọ ạna mạphel nyịna atene. Keel rꞌedughom.”

kụ aru ạmeeraam ọman ạJizos sịphe aruwol phọ ọdi, kụ amoghi izin aatolom ruwol phọ ạJizos, kụ ạsighe sịlaal ẹmhu phọ ọdi agbuuroghom ghan izin phọ, kụ ạakpunogh ruwol phọ kụ ạsighe elo phọ agbul.

Ị́kpe kẹn dị mị karu ạteeny nyịna rꞌaloor. Ḅẹm ọnhu bịn ẹbene phọ ạmi kaḍum ni. Mị ạmoogh ni bụdi upu ịmi rꞌạbuo ẹgham dị mị apu. Mị arom nyọon mọ kịa, bịn rạki ghan ni. Mị ạḅeni ọnon mọ tue, bịn ratu ghan ni. Ịlo mị ạḅeni ẹbene ạmi mọ aḍighi, bịn raḍighi ghan ni.” Mem dị ạJizos ạnaghan bọ ịphen phọ, omeeraam mọ uwo ẹmhu phọ ạmoogh bọ aḍighi ni iikia esi ọdi, kụ akiton ạḅeni ḍita awe phọ rọdaph bọ nyọdi mọ, “Mị ạkar rịḅeni ghan inyina mọ mị kọ̋miin ghan oye dị umeeraam ịmi omeeraam dị aleeny ịduon, ghạlamo rꞌọnyo Ịzirel li!”

Ọkar amem mọ ọpo phọ ạJizos aakonom ni ịbadi ạbudi omeleghu rẹezegh kịrokiro, kụ aphorogh yogh ịkaraph aruwaloor amiteghom loor ịbadi awe, kụ aḍighi dị ịbadi ạbuo ikpom ariḍien ọmiin aani eten. Kụ ọdi ạḅeni bụmatuan phọ ạJon mọ, “Ikeel ẹghaaph ịphen nyina rẹnaghan bọ ẹḅile bọ rẹmiin, ẹḅeni Jọn. Awe ikpom ariḍien mọmiin aani eten, ạrukugha moḅerenu aani rotelhe yogh, awe ẹzegh ọku ufe moḍumogh aani, ạbuḅaaghaph ḅạaghaph rọnaghan aani ḍụghum, moḅerion bụphe momuughu bọ ọngo ghuḍum, mọghaaph ooḅi ọghaaph ọḅeni aani rukulom.