Popular Bible Verses from LUCAS 12

Share

Shinallatami, Runa Aichayu tucushca ñucapash, cungashcapi ñapash shamusha. Shinamandami cangunaca, alichirishcalla causana canguichi” nijurcami.

Ashtahuangarin Taita Dios mandajujpi causanatarami mascana canguichi. Shina causajpica, tucui chaicunata canguna munashcataca, jahuan jahuan caramujungallami.

Shina nishpallami Jesusca, cashna nirca: —Ricui, charij tucunatalla na munashpami, aliguta yarishpa causana canguichi. Imata ninanda maijan runa charishpapash, chaihuan unaita causajuitaca, na ushangachu— nircami.

Maipi imata charishpapash, shungupica chaita yariajllami purinajunguichi.

Canguna puramandaca, ashtahuan jatunyangapaj munanajushpapash, ¿maijanshi chuscu chunga centimetrotallapash mirachita ushanguichi?

Chai jipami Jesusca, paipaj yachajujcunata, cashna nijurca: “Cangunataca, cashnami nini: ‘¿Imata micushpa, imata churajushpata causashun?’ nishpaca, na chaitalla yariashpa musparishpaca causanachu canguichi.

Paica, cangunapaj umapi mashna ajcha tiajtapash, tucuilla cuentashcallami. Chaimandami runacunataca, na manllana canguichi. Cangunacarin, chai ashtaca animalcunatapash ashtahuan yali valishcami canguichi.

Ñuca llamagucuna, cangunaca ashalla cashpapash, na manllanachu canguichi. Cangunapaj Taitaca, mandanataca cushijushpami cangunaman carashapacha nijun.

Alasyu animalcunata ricushpami, yarina canguichi: Paicunaca na tarpunllu, granotapash na tandachinllu. Granocunata alichingapaj shuj huasitallapash, na charinllu. Paicuna micuchunga, Taita Diosmi caramujun. ¿Nachu cangunaca, chai alasyu animalcunatapash yali canguichi?

Cangunaca, ima micunamandapash, ima ufianamandapash na musparinachu canguichi. Na chaicunamandalla imatapash ninanda ruranata yariashpa llaquilla purinachu canguichi.

Taita Diosmi, jihuagutapash juyailla viñachishpa sisachin. Shina juyaillagu cajpipash, cayapaca cuchushpa, tulpapi rupachinllami. Na tucui shunguhuan crishpa causajcuna. ¿Nachu cangunamangarin churajunaguta caramunga?

Imata pacalla ruranapash na tianllu. Chai rurashcacuna ricuringapachami. Na yachai ushanalla ima pacallapash na tianllu.