Popular Bible Verses from JOHAN 15

Share

Kei cu sapyit phung ah ka kyak ci, nangmi cu ang ban ah nami kyak ci. Nangmi cu kei ung kä nami ng’yung ung a i kä nami m’khüt khai. Chang tumat cu kei ung om sei, kei phi ani ung ka om ah a kiak ung ani cu akda ah m’theih tak khai.

Kei ung kawng ät ne om vä, kei phi nangmi ung kawng ät ne ka om khai. Ang ban tumat cu ang shun tung kaa apait ung kä m’theih hlawt ci. Acun ah mäih ah nangmi phi kei ung kä nami om ung kä nami m’theih hlawt khai.

Nangmi cu kei ung om uk ci sei, kei ah ng’thu cu nangmi ung a om ah a kyak ung, nangmi naw nami ng’yoih hlü phung ng’yoi ne nami gah khai.

Nangmi naw kei kä nami na ghü ci, nangmi hteit ne akda ah m’theih ne ang tak ah nami vui vai ah kei naw ghü ne ka ning m’düih gui ci. Cun ah kyasei kei ah ming awn nami ng’yoih phung cu Kapa naw ning pe gui khai.

A paw chang ah hmawk ah a ghin nak pe ne m’hni ciah, m’hni nak ah kawn ah, däm pi ciah m’hni nak kä om ba ci.

Kei ung kä m’thein ciah ang ban phung cu tupit ne ghawt ne, m’theih ciah ang ban cu am theih law pi vai ah pyang m’tham ci.

Kei ah thukhän cu; kei naw ka ning m’hni gui ah mäih ah tumat la tumat nami yumhni tu vai nei.

Akda ah nami m’theih tak nak awn Kapa ah bämang nak cu nami dang sak ci; nangmi cun phi kei ah ng’düihpüi ah nami kya lawk ci.

“Kei cu sapyit phung akcang ah ka kyak ci, Kapa cu kho ng’lei k’ngäng ah kyak ci.

Kei ung kä om cicu k’set ne ghawh ah ang ban chawng ah mäih ah kiak ci. Chang gui naw cun ah ang ban chawng gui cu k’bum ne mei ung m’khih u seih, mei naw ui yawp ci.

Shin ah ng’thu ka pyein cu, kei ah yeikyai nak nangmi ung gawk sei, nangmi ah yeikyai nak a khüm be vai ah hmawk ah kyak ci.

Kei naw Kapa ah thukhän läk ne ani ah m’hni ah ka om ah mäih ah, kei ah thukhän nami läk ung kei ah m’hni ah nami om khai.

Cun kawn ah ‘Tumat la tumat nami yumhni tu vai nei’ ciah thukhän ka ning pe gui ci.

M’dek khan ng’yak hlü cu nami khäm ah a kyak ung m’dek khan naw khäm ne ning m’hni gui khai. Cun ung phi shin ah m’dek khan ung kaa kei naw ka ning ghü gui ci, nangmi naw m’dek khan kä nami k’chaw na ba ci; cun ah kyasei m’dek chang naw nangmi cu ning gen gui ci.