Popular Bible Verses from MAKUH 9

Share

BAWIPA Jesuh naw, “Nam khüt hning vai a kyak ung cine a i ah kyasei na pyein ang? A yum nak om ciah chang naw kä am khüt a i kä om ci” cine pyen nak ci.

Acun vai-am ak hmaw ah pa naw, “Kei naw akcang ah a yum ci nei, ka yum nak kä be ci kya sei, nam gein tu hta ä” cine m’lau ne ng’paa nak ci.

BAWIPA Jesuh im ah law ba ne a om yah ung ang düihpüi gui naw, “Keimi naw cun ah khoshe cu a i ah kyasei kä kami k’täm hlawt ang?” cine ng’shik ci gui. BAWIPA Jesuh naw, “Taigü nak bäng awn nei, shin ah mäih khoshe cu k’täm hlawt vai, cun kawn ah k’täm nak vai a hei kä om ci” cine kyak na gui ci.

“M’shi cu nik ci, cun ung phi a tuui amaih ah a kyak ung, nangmi naw a i cha tuui khai ah kä nami pyang ba hlawt khai. “Nangmi ung teihpüi mah nak ah m’shi cu om sak u netah, nami mät gui dimdeeih nak awn om vä” cine m’cäi gui ci.

‘Kei ah ming awn shin ah mäih ah ak hmaw dou ciah chang cu kei na dou ciah kyak ci. Kei na dou ciah chang cu kei bäng na dou ciah kä kyak ci, kei na tüi lawk ci phi dou ciah kyak ci” cine kyak na gui ci.

Kei naw akcang ka pyein cu, kei ah ng’düihpüi ah nami kyak cu a hmat nak awn nangmi-am tui m’yak ät ning tu gui ci cu, akcang ah m’khum taih ne gah tang nak om khai.

“Kei a na yum nak di maih khai ah, shin ah mäih ak hmaw tumat lam hma sak ciah chang cu, ak hnü-gawn ung lungsum nu khit ne, m’awi netah, tuinu ung buhtawn ung ani ah phäih ah bä tuba khai.

Na mik-ui naw na yum nak adi maih sak ung, cun ah mik cu kawih ne na ghawh vai, geinvai vai ah m’kyiit naw shawk ne a ei nak la angtäi sei däi ciah m’thei-mei ung namik-ui küm sei na gawk ah k’dam, na mik vangtäng m’dauh sei Khanpughi ah uknak kho ung na gawk cu bä pi khai.