Popular Bible Verses from Juan 14

Share

<<Jawka kawaytami qamkunata kachapaykü. Ali kawaynïtami qamkunata qoykü. Noqa yanapashqäno manami pipis yanapashunkitsu. Ama lakikäriytsu ni mantsakäriytsu.

Tsaymi Jesús kayno nirqan: <<Noqami näni kaykä, rasun kaqmi kaykä y runakunata kawayta qoqmi kaykä. Noqata mana chaskikamarqa Taytä kaqman manami pipis chayanqatsu.

<<Ama lakikäriytsu. Tayta Diosmanpis y noqamanpis yärakärimuy.

Aywakuptïnami noqapa trukä Yanapakuq Espíritu Santuta qamkunaman Taytä kachamunqa. Paymi lapanta yachatsishunki y lapan yachatsishqäkunata yarpätsishunki.

Mandamientükunata cumpliq kaqmi rasunpaqa kuyaman. Kuyamaq kaqtaqa Taytäpis kuyanmi. Noqapis kuyarmi paywan kaykäshaq>>.

Tayta Diosta ruwakuptïmi juk Yanapakuqta kachamunqapaq. Paymi imayyaqpis qamkunawan kaykanqa. Payqa rasun kaqta tantiyatsikuq Espíritu Santumi kaykan. Tayta Diosta mana cäsukuqkunaqa Espíritu Santutapis manami chaskikunqatsu. Tsayno mana chaskikunqatsu payta mana ashir y payta mana reqirmi. Qamkunami itsanqa reqipäkunki qamkunawan kaykaptin y qamkunacho kananpaq kaptin.

Noqapa jutïcho imatapis Taytäta manakäriptikiqa rurashaqmi. Tsurin karmi tsayno rurashaq Taytä alabashqa kananpaq. Jutïcho imatapis manakuptikiqa manakamashqaykita rurashaqmi.

<<Noqata kuyamarqa lapan mandamientükunata cumplipäkuy.

Taytäpa wayinchöqa atskami cuartukuna kaykan. Tsayno mana kaptinqa manami <qamkunapaq cuartu kamarikuq aywashaq> nïmantsu karqan.

Kamarirkamurnami qamkunata pushanäpaq kutimushaq. Tsaynöpami noqa kashqä kaqcho qamkunapis kankipaq.

Tsayno niptinmi Tomás kayno nirqan: <<Tayta, mayman aywanaykipaq kashqantapis mana musyaykarqa ¿imanöpataq nänita reqïman?>>