Popular Bible Verses from Juan 15

Share

<<Noqa kaykä üva yörami. Qamkunami rämäkuna kaykanki. Tsaymi noqawan juklaylano kawarqa ali wayuq rämano karkaykanki. Noqawan mana juklaylano kawarmi itsanqa ima ruraytapis kamäpakärinkitsu.

<<Noqawan juklaylano kawapäkuy. Tsayno kawaptikiqa noqapis qamkunawan juklaylanömi kaykäshaq. Üvapa räman yörancho mana laqarar mana wayushqannömi qamkunapis noqawan juklaylano mana karqa Tayta Dios munashqanno kawayta mana kamäpakärinkitsu.

<<Noqawan juklaylano karqa y yachatsishqäno kawarqa lapan manakamashqaykitami chaskipäkunkipaq.

<<Manami qamkunatsu akramashqanki, sinöqa noqami qamkunata akrashqä. Tsayno akrashqä maypa aywarpis ali wayuq rämano kar alikunata rurapäkunaykipaq y tsay rurashqaykikuna imaypis kaykänanpaqmi. Tsayno kawaptikimi noqapa jutïcho lapan manakärishqaykita Taytä qoshunkipaq.

Rasunpa kuyakuq karqa amïgun rayku wanurpis wanurinmanmi.

Mayqan rämäpis mana wayuptinqa Taytämi muturiykunqa. Wayuq kaqtami itsanqa mas wayunanpaq shumaq rämapanqa.

<<Mandamientüqa kaynömi kaykan: Qamkunata kuyashqäno jukniki juknikipis kuyanakäriy.

Tsaynöpami ali wayuq üvano kar rasunpa discïpulükuna karkaykanki. Tsayno kawapäkuptikimi Taytäta alabapäkunqa.

Tsaypitanami Jesús kayno nirqan: <<Noqami rasunpa kaq üva yöra kaykä. Taytänami kaykan üva uryaq.

Pipis noqawan mana juklaylano kawarqa yöranpita mutushqa rämanömi tsakikäkunqa. Tsakiptinnami shuntarkur ninaman qaykunqa.

Tsaykunata niykä noqa kushishqa kawashqäno qamkunapis kushishqa kawanaykipaqmi.

Mandamientükunata cumplishpaykiqa rasunpami kuyarkaykämanki. Tsaynölami noqapis Taytäta kuyar mandamientunkunata cumpliykä.

Mandamientü imata nishqantapis yapaymi kayno nï: Jukniki juknikipis kuyanakur kawapäkuy.

Jutsata rurar kawapäkuptikiqa Diosta mana cäsukuq runakuna kuyapäkushunkimanmi. Tayta Dios munashqanno kawaptikimi itsanqa chikipäkushunki. Pay munashqanno kawanaykipaqmi qamkunata akrashqä.