Popular Bible Verses from JENESIS 35

Share

U Blei u la ong ruh ha u, “Nga long U Blei U Badonbor Baroh: to da nang kharoi, bad to da nang man bun ruh; ka jaid bynriew bad ka jingïalang ki jaid bynriew kin ïamih noh na me bad ki syiem ruh kin mih na ki syngkai jong me. Bad ka ri ïa kaba nga la ai ha u Abraham bad ha u Isaak, ha me keiñ ngan ai ïa ka, bad ha u symbai jong me hadien jong me ngan ai ïa kata ka ri.”

bad to ïa ngin ïamih noh, bad ngin ïaleit kiew sha Bethel; ba hangta ngan thaw ïa ka duwan ïa uta U Blei uba la shahshkor ïa nga ha ka sngi ka jingsngewjynjar jong nga, bad uba la long ryngkat bad nga ha kata ka lynti baroh ha kaba nga la ïaid.”

Bad U Blei u la ong ha u, “Ka kyrteng jong me ka long ‘u Jakob’: te yn ym khot kyrteng shuh ‘u Jakob’ ïa me, hynrei, ‘u Israel’ kan long ka kyrteng jong me”: kumta, u la khot kyrteng ïa u, “u Israel”.

Ynda kumta, u Jakob u la ong ha la ka ïing, bad ha kita baroh kat kiba don bad u, “To buh noh ïa kita ki blei bakhyllah kiba don hapdeng jong phi bad to pynkhuid ïa lade, bad to pli ïa la ki jaiñ

Ynda kumta, U Blei u la ong ha u Jakob, “To mih noh, to leit kiew sha Bethel, bad to shong sah hangta: bad to da thaw ïa ka duwan hangta ïa uta U Blei uba la paw ha me mynba me dang phet ïap na khmat u Iso u hynmen jong me.”

Bad ka la jia, hamar ba kan sa jah noh ka mynsiem jong ka, (naba ka la ïap noh keiñ,) ba ka la jer kyrteng “u Ben-oni” ïa u: hynrei, u kpa jong u, u la jer kyrteng “u Benjamin” ïa u.