Popular Bible Verses from Suluet 50

Share

Ama ko gwe gwoso ta, ta a yeyeju konakiŋdya nan arabat; ama Ŋun a yeyeju ŋo na ’but, anyen lwöggu Ŋutu jore anyen se ködyö yeŋon gwon jörun gwoso na gwoŋdi se i lo lor na.

A Yosepa kulyani adi, Ko kujönö ta, nan ŋona a ruddya pirit na Ŋun le?

Nyenagon soŋinana ko kujönö ta; nan mo tunyeju ta se ko ŋwajik kasu. A nye suŋge se a töilyet kase yuke yukan.

Ta mo jambu sona ko Yosepa adi, Böŋö pitöki lyaŋesi ti luŋösurök ko toron nase, kogwon se aje konakiŋdya do arabat. Ama soŋinana, böŋö pitöki yi kölipönök ti Ŋun lo munyi i lyapesi kao. A Yosepa gwine gwien na jambi se ko lepeŋ nu.

a Yosepa kulyani ko luŋasirik adi, Nan lo gwe nyona ko twan, ama Ŋun ’diri mo ti jaran po i parakiŋdya na ta, a mo joŋgi ta kaŋo i lo jur tojo ko jur logon nye a milyekin tiŋdu Abarayama, ko Yisaka, se ko Yakobo lu.

a Yosepa tomilyeji ŋwajik ti Yisaraele adi, Ŋun ’diri mo ti jaran po i parakiŋdya na ta, a ta mo baraddi kuyu kwe kaŋo ni.

Nyena a Yosepa twane twan i diŋit nagon nye gwe ko kiŋajin mia geleŋ ko puök nu; a se tokworoggi öpu nanyit, a tikine i saŋduk nuket Ejipeto yu.