Popular Bible Verses from Luka 8

Share

Nyomot lo weki i kujöŋ na ’but kulo a ŋutu logon aje yiŋga ŋilo kulyaet, a ’depe ’dep nye go ko töilyet lo ’but ko torigwo, a gwo ’de go tojo ko toran na ludweki.

Kilo lo ’do ’do i kiden na kikwa kulo a ŋutu logon aje yiŋga, a i mukök na ŋina, a wiwinyesi ko tukwörien se ko lyöŋesi ti na kak iŋge ’di se, a se tine toran ludweki lo ’but.

Nyomot logon a weki i kak nagon a lelya kulo a ŋutu logon ko aje yiŋga ŋilo kulyaet a wuji nye ko lyöŋön, ama kokori kase a ko ’bekoddu kak; a se yupundye diŋit a na ’dit, a i diŋit temet a se kukutörö bot.

a nye pije lepeŋat adi, Niya yupet nasu? A se iŋge kujönö a söŋi söŋu, a totopine ko ’börik adi, Ŋilo ŋuto a ŋa logon saŋu ma ’di köbuŋöt se ko tör, a se yiŋge lepeŋ?

Kilo lo gwon nyona ko kiko kilo a ŋutu logon aje yiŋga, a kirut kaŋöönit poŋdi poa joŋgi ŋilo kulyaet kaŋo kase i töilyet, anyen se gwon ti yubbö a lwököni lwökö.

Kogwon ŋo liŋ nagon ’de ’dela mo kwekweya, a ŋo gwe ’bayin nagon ’dela a lwön nagon mo ti dena a jweni köke i parara anyen memeta.

a na meddi ŋuto na adi nye aje denwe kano nu, a nye poŋdi böböpuŋdyö, a rugwunökine kak ko lepeŋ i mokosi, a nyönyöggi ko nutu liŋ i komor kwe nagon nye ’bo ’yi lepeŋ na, köti ko nye tokela ’de ’de ada. A Yesu kulyani ko lepeŋ adi, Ŋuro nio, yupet inot aje tiŋdu do i kelan; iti ’bura ko taliŋ.

a se poŋdi ko lepeŋ ni, a topuruŋdye lepeŋ adi, MATAT, MATAT, yi twatwa! A nye purwene purwe, a riŋge köbuŋöt se ko yalajin ti tör logon ya ’yu ko riŋit; a ŋo liŋ gwo ’de gwo ’dan a gwe taliŋ.