Luka 8

Ŋutu wate nagon a moraddu ko Yesu

1A gwe sona i mukök na ŋina, a yesu jöjölöjine i köjinö ko i turön lalajaddu ko totokuöddu Loŋe Lo ’but lo Tumatyan na Ŋun. A ŋutu kanyit kajujumuk puök wot murek kulo moraddi ko lepeŋ, 2#Mat 27.55, 56; Mar 15.40, 41; Luk 23.49se ko kunie wate nagon aje tokela i mulökö lorok ko i twana. Kine wate karin kase a ko Maria na po Magadala nagon mulökö lorok buryo a tu kaŋo kanyit i mugun;

3ko Yöana nakwan na Kuja katiyunit lo mede na Erode; ko Susana, se ko kunie jore. A kine wate parakiŋdye lepeŋat ko ŋo kase.

Lilim lo kaweyanit lo nyomot

(Köti Matayo 13.1-9; Marako 4.1-9)

4A ŋutu jore momoruŋdye ko Yesu ni; kilo ŋutu po i köjinö jore. A nye kulyani ko lepeŋat i lilim adi, 5Kaweyanit a tu i weja na nyomot. A gwe sona, na gwoŋdi nye i weja nu, a kulye nyomot ’do ’done i merete lo kiko, a iŋge ryoryoka, a kwen kwökwöddi se.

6A kulye nyomot ’do ’done i kak nagon a lelya, a nagon se aje ’duruŋdyö nu, a se teteyone teteyon kogwon kujöŋ ku ’dik pioŋ ’bayin. 7A kulye nyomot ’do ’done i kiden na kikwa, a kikwa iŋge ’duröddu ki ko se i pirit na geleŋ a iŋge ’di se. 8A kulye nyomot ’do ’done i kak na ’but a ’duŋe ’duŋö ko a tore ludweki, konyen mia i kwe geleŋ. A na jambi nye kine kulya nu, a nye woŋoro ki adi, Ŋuto logon ko swö yiŋesi ti nye yiŋge kine kulya.

Kwe nagon Yesu jambu ko lilimön

(Köti Matayo 13.10-17; Marako 4.10-12)

9A ŋutu kanyit kajujumuk pije Yesu ko ŋilu lilim kweja nyo. 10#Yis 6.9A nye waddi adi, Ta aje tiki i deŋdya na lwönö ti Tumatyan na Ŋun, ama ŋo liŋ nagon jamaki kulye ŋutu jama a lilimon, kweja adi se memet ’bak gwulu ’yu, ko se yiyiŋ ’bak kuruŋdyö.

Yesu a tökoŋu lilim lo kaweyanit lo nyomot

(Köti Matayo 13.18-23; Marako 4.13-20)

11Lo lilim gwon sona adi, Nyomot kulo a kulyaet lo Ŋun. 12Kilo lo gwon nyona ko kiko kilo a ŋutu logon aje yiŋga, a kirut kaŋöönit poŋdi poa joŋgi ŋilo kulyaet kaŋo kase i töilyet, anyen se gwon ti yubbö a lwököni lwökö.

13Nyomot logon a weki i kak nagon a lelya kulo a ŋutu logon ko aje yiŋga ŋilo kulyaet a wuji nye ko lyöŋön, ama kokori kase a ko ’bekoddu kak; a se yupundye diŋit a na ’dit, a i diŋit temet a se kukutörö bot. 14Kilo lo ’do ’do i kiden na kikwa kulo a ŋutu logon aje yiŋga, a i mukök na ŋina, a wiwinyesi ko tukwörien se ko lyöŋesi ti na kak iŋge ’di se, a se tine toran ludweki lo ’but. 15Nyomot lo weki i kujöŋ na ’but kulo a ŋutu logon aje yiŋga ŋilo kulyaet, a ’depe ’dep nye go ko töilyet lo ’but ko torigwo, a gwo ’de go tojo ko toran na ludweki.

Lilim lo lombo logon a mukö ko mu ’da

(Köti Marako 4.21-25)

16 # Mat 5.15; Luk 11.33 Lele ŋuto ’bayin logon mokakindya lombo a muŋge nye ko mu ’da, kode tikin i mukök na dotoet, ama lepeŋ togwi ’dikin nye ki, anyen ŋutu lo lupö kadi kulo böŋö memet parara.

17 # Mat 10.26; Luk 12.2 Kogwon ŋo liŋ nagon ’de ’dela mo kwekweya, a ŋo gwe ’bayin nagon ’dela a lwön nagon mo ti dena a jweni köke i parara anyen memeta. 18#Mat 25.29; Luk 19.26Meddi ta ’bura ko ta yiŋga ada, kogwon ŋuto lo gwon ko ŋo lo mo ’ya ’yalaki kunie, ama ŋuto logon ’bak nene ŋo lo ma ’di ŋo nagon nye ayeye adikata kanyit na mo ’du ’dumaji kaŋo kanyit.

Ŋote Yesu se ko luŋasirik ti Yesu a po

(Köti Matayo 12.46-50; Marako 3.31-35)

19A ŋote se ko luŋasirik kanyit poŋdi ko Yesu ni, ama a se tine bulö yepuŋdya kanyit ni kogwon ŋutu jore parik. 20A ŋuto tukökiŋdye lepeŋ adi, ŋuti ko luŋösurök kulu gwo ’dan kaŋo ’dek meddya do. 21Ama a nye waddi se adi, Ŋote nio se ko luŋasirik kwe a ŋutu logon yiŋga kulyaet lo Ŋun a kone kon nye.

Yesu a toyiŋaju köbuŋöt duma i tör

(Köti Matayo 8.23-27; Marako 4.35-41)

22A ko gwe sona i lele lor, a Yesu kiyaddi i ki ’bo kata se ko ŋutu kanyit kajujumuk kulo, a nye kulyani ko lepeŋat adi, Ti yi laŋaddi ta i nu pele na tör. Nyena a se ŋiörö ŋiörö, 23a na wuköji ’e ki ’bo lose nu, a nye dotoni doto. A köbuŋöt duma wukuŋdye wukuŋdyö i tör, a ki ’bo jorene jore ko pioŋ, a se gwe i nagusu. 24a se poŋdi ko lepeŋ ni, a topuruŋdye lepeŋ adi, MATAT, MATAT, yi twatwa! A nye purwene purwe, a riŋge köbuŋöt se ko yalajin ti tör logon ya ’yu ko riŋit; a ŋo liŋ gwo ’de gwo ’dan a gwe taliŋ. 25a nye pije lepeŋat adi, Niya yupet nasu? A se iŋge kujönö a söŋi söŋu, a totopine ko ’börik adi, Ŋilo ŋuto a ŋa logon saŋu ma ’di köbuŋöt se ko tör, a se yiŋge lepeŋ?

Yesu a toke ’ya ŋuto lo gwon ko mulökö lorok

(Köti Matayo 8.28-34; Marako 5.1-20)

26A se ’dure i jur lo ŋutu ti Gerasa lo gwon i nu pele na tör na Galilaya.A nagon Yesu aje kiyuŋdya kaŋo i ki ’bo nu, a ŋuto lo po köji rume ko lepeŋ. 27Ŋilo ŋuto gwon ko mulökö lorok kanyit i mugun, ko a ko jupu boŋgwat ko diŋit a najo. Lepeŋ ti si ’da midi, ama sisi ’datu i kiden na gulömö. 28A na meddi nye Yesu nu, a nye wonoro ki, a nye ’dorone kak ko lepeŋ i komor, a kulyani ko gworo lobot adi, Yesu, ŋuro lo ŋun Katoŋanit lo ki liŋ, do ’dek nyo koyo? Nan mo ’yu do bono, an do ko tomi nan. 29Kogwon Yesu dika aje saŋu muloko lorok adi ti se poŋdi kapo ko ŋilo ŋuto i mugun. (Kogwon diŋitan jore muloko lorok momok lepeŋ; a nye tiyuni tiyu, a rereka ko witiot, ama nye yen giginyi toresi, a mulökö lorok riköddi lepeŋ i yobu nagon nutu ’bayin kata.) 30A Yesu pije nilo nuto adi, Karin kunok a na? A nye waddi adi, Karin kwe a Yodom; kogwon muloko jore aje lupö ko lepeŋ i mugun. 31A muloko lorok mamaŋdi mamaŋdu anyen Yesu gwon ti sarakiŋdya se i tu i dili nagon ’bak ’dutet.

32Nyena a teŋ duma na wuryo gwe i yuku nyu i mere; a muloko lorok mamaŋdi lepeŋ anyen rukoddu se i lupö i wuryo. A kirut a nye rukokiŋdye se i tu. 33A muloko lorok lupuŋdye kano ko nilo nuto i mugun a lupöni i wuryo, a teŋ na wuryo rurumuŋdye kak ’de ’de i wi na merya tojo i tor kata, a ’dire ’diron.

34A na meddi kayukuk no na kona nu, a se woki wokon, a toreaddi lone köji ko i jur. 35A nutu inge po i meddya na no nagon aje pokin kine, a se poŋdi ko Yesu ni, a se ryeji nuto logon muloko lorok aje po kano ko lepeŋ i mugun lo, si ’da ko Yesu i mokosi, a töjupu a yeyeesi kanyit gwe a na ’but; a se inge kujönö. 36A nutu logon a met kine kulya kulu takiŋdye lepeŋat ko nilo nuto logon ko muloko lorok tokela ada.

37A kirut nutu liŋ ti jur lo Gerasa lo didino kulo pije Yesu anyen wusaddu kano kase kiden; kogwon lepeŋat aje moka kujono parik; nyena a nye kiyaddi i ki ’bo kata a yitöni yito. 38a nuto logon muloko lorok aje tu kano ko lepeŋ i mugun lo, mamaŋdi lepeŋ anyen nye bono moraddu ko lepeŋ; ama a Yesu soŋdi lepeŋ a kulyani ko lepeŋ adi, 39Yitöni mede, ko tuke no duma nagon pun aje konakin do na. A nuto lo iti tu, a tokudddi i köji ’bukuluŋ no duma nagon Yesu aje konakin lepeŋ na.

Yesu a toke ’ya ŋuro na Yairo se koŋuto nagon a ’bo ’yu boŋgo nanyit na

(Köti Matayo 9.18-26; Marako 5.21-43)

40A nagon Yesu aje yito i nu pele na tör nu, a nutu jore wuyuŋdye lepeŋ, kogwon se liŋ gwon i mömöŋdu na lepeŋ. 41A kirut lele ŋuto lo ’dure, karin kanyit a Yairo, logon a duma lo kadi momoret, a nye rugwunokine kak ko Yesu i mokosi, a mamaŋdi lepeŋ anyen tu kanyit mede, 42kogwon nye gwon ko pilili na nuro na gwon ko kinajin gwoso puök wot murek na, a gwe nyona ko twan.

A na tiri Yesu nu, a nutu kulo ri ’diundye ko lepeŋ ni. 43a nene ŋuto gwe kata nagon rima wowon kanyit i mugun kinajin puök wot murek, nyena ma ’di nagon nye a tutun no kanyit liŋ i ropakiŋdya na bodwat ti winiko, a lele ŋuto tine jukin toke ’ya lepeŋ. 44A nina ŋuto poŋdi ko lepeŋ i mukok, a ’bo ’yi kume lo boŋgo nanyit; a ’de ’de won na rima goggi goggu. 45a Yesu pije adi, ŋa ’bo ’yu nan? A nagon nutu liŋ aje renya nu, a Petero kulyani adi, MATAT, nutu jore dumuŋdyo konut ni ko riri ’di do! 46Ama a Yesu kulyani adi, Ŋuto aje ’bo ’yu nan; kogwon nan a den adi riŋit aje tu kano köyö. 47a na meddi ŋuto na adi nye aje denwe kano nu, a nye poŋdi böböpuŋdyö, a rugwunökine kak ko lepeŋ i mokosi, a nyönyöggi ko nutu liŋ i komor kwe nagon nye ’bo ’yi lepeŋ na, köti ko nye tokela ’de ’de ada. 48A Yesu kulyani ko lepeŋ adi, Ŋuro nio, yupet inot aje tiŋdu do i kelan; iti ’bura ko taliŋ.

49A nagon Yesu nyuŋ jajambu nu, a lele ŋuto logon poŋdya ko duma lo kadi momoret midi lo kulyani adi, Ŋuro inot aje twan; ko nyuŋ tudaraju Katodinönit. 50a na yinge Yesu kine kulya nu, a nye kulyani ko Yairo adi, An do ko kujönö; kölumbö yubbe yubbö tun a nye de kele kelan. 51A nagon nye aje ’durökin kadi nu, a nye tine rukörö lele ŋuto i lupö lukata ko nye i pirit na gelen, ama ka ’de Petero, ko Yoane, ko Yakobo, se ko monye nuro ko note. 52A nutu liŋ luluje lulujö dedelya lepeŋ; ama a nye kulyani adi, Ko gwi ta; nuro na a ko twan ama dodoto. 53A se kweni ’e kweni ’e lepeŋ ’dö ’döju, a den adi ŋuro na aje twan. 54Ama a nye morgi nuro i könin a luŋgi adi, Ŋuro, nine ki. 55a ködudwö nanyit yitökine bot kanyit i mugun, a nye nine ki ’de ’de; a Yesu sarakiŋdye adi, ti nuro na tikine po lo nyenyei. 56a ko monye ko note inge söŋu parik;-ama a nye kukuji lepeŋat an takin lele ŋuto ŋo nagon aje kona na.

Currently Selected:

Luka 8: BBE

Highlight

Copy