Popular Bible Verses from Marako 10

Share

Kogwon ’diri nan Ŋuro lo ŋuto köti a po i kitakiŋdya na ŋutu ti gwon anyen nan kikitaki; nan a po i tiŋdu na mugun nio i daggu na ŋutu jore.

a Yesu diŋe lepeŋat, a kulyani adi, ŋutu ti bulo, ama Ŋun bubulö; kogwon Ŋun bubulo koŋdya ŋo liŋ.

a Yesu kulyani ko lepeŋ adi, A na ’but, iti, yupet inot na toke ’ya do. A ’de ’de nye buloni bulö meddya, a moraddi ko lepeŋ i kiko.

Nyenagon ŋo nagon Ŋun aje tomor a geleŋ na ti lele ŋuto gwe ti koŋa se.

A Yesu diŋe lepeŋ, a iŋge nyar lepeŋ, a kulyani ko lepeŋ adi, Do yöŋgi ŋo geleŋ nagon do a ko kon; iti, tugwöre tugwör ŋo kunök, ko ’doggi ŋutu lomerika, a do mo gwe ko tukwörien ki yu, a kirut poŋdi ko kipuŋdye nan.

A Yesu pije lepeŋ adi, Do ’dek ti nan konaki do nyo? A ŋuto mo ’doke lo waddi adi, Pon Katodinönit liŋ, böŋö tiki nan i meddya.

Ama kine kulya ti gwe ti gwon sona kasu kiden; ko ŋuto logon ’de ’dekan gwon a duma kasu kiden, ti nye ködyö gwe a koliponit losu

’Diri nan takiŋdya ta adi, Ko ŋuto a ko ruk sara ko Ŋun gwoso na ruŋge lupudi i sara na, a nye mo tine lupö i ŋina tumatyan.

Ama ŋutu jore logon a ti kokwe mo gwe a ti ’dutet, a ti ’dutet mo gwe a ti kokwe.

Ama i suluwa na gweya na kak Ŋun a gweja ŋutu ko lalet ko nakwan. Nyenagon ko ŋina kwe a ŋuto lalet mo kö ’yi monye ko ŋote a mo mori ko narakwan nanyit, a se murek mo gwe a mugun geleŋ. Nyena a se tine gwon a ŋutu murek ama a se gwe a mugun geleŋ.