Popular Bible Verses from Marako 11

Share

Nyena nan takiŋdya ta adi, Ŋo liŋ nagon ta pipiyun i kwakwaddu nasu na, yupe ta yuŋ adi ta de titiki se, ’diri a de tikine tiki ta.

’Diri nan takiŋdya ta adi, Ko ŋa lo kulya ko lo mere adi, Gwunyu mugun kaŋo ko gubara mugun i tör, a ko ŋilo ŋuto gwe ti dyadya ’yu kanyit i töili, ama a yupe yuŋ adi ŋo na jam nye kine mo kokona, nyena a ’diri mo konakine konaki lepeŋ.

A na gwo ’di ’e ta i kwakwaddu nu, ko ta a ’delakiŋdya kulye ŋutu kasu i toilyet, pitöki ta lepeŋat; nyena köti a Monye losu lo gwon ki lu böŋö pitökiŋdye ta i lyaŋesi kasu. [

a Yesu waddi lepeŋat adi, Ta ködyö yubbö Ŋun.

A lepeŋ poki i todiŋdyo na lepeŋat adi, A wurö adi, Kadi nio mo luŋu a kadi kwakwaset a na gweyajin liŋ ti ŋutu. ’Bayin sona le? Ama ta aje kon nye a pirit ’danaet na karyakak.

A ŋutu logon tu ŋerot se ko se lo kikipuŋdyö kulo woŋe parik adi, Osana! ŋuto lo po i karin ti MATAT lo ti ’boriani ’boria!

Tumatyan na popo na merenye likaŋ Dawidi na ti ’boriani ’boria! Osana i piriton ti ki yu!