Popular Bible Verses from Marako 12

Share

a Yesu waddi adi, Saret lo kokwe adi, Yiŋge ta pon kötumit na Yisaraele; MATAT Ŋun likaŋ a MATAT geleŋ; do ködyö nyanyar MATAT Ŋun ilot ko toili ilot liŋ, ko ködudwö inot liŋ, ko yeyeesi kunök liŋ, se ko riŋit inot liŋ. Saret tomurek malo adi, Do kodyö nyanyar marate ilot gwoso mugun inot. Lele saret ’bayin logon a duma lwölwöŋ kulo.

A nye lupundye ŋutu kanyit kajujumuk kulo kanyit ni, a kulyani ko se adi, ’Diri nan takiŋdya ta adi, na ŋuto nagon a lomeri ko a karu ’be na aje ’dogga bia parik lwölwöŋ ŋutu liŋ logon aje gumba i saŋduk kata kulo. Kogwon lepeŋat liŋ ’dumuŋdya ’dokesi i tukwörienjin kase; ama na ŋuto ’dumuŋdya i tolomerian nanyit, a iŋge ’dogga ko ŋo kanyit liŋ, kweja adi gurut kanyit liŋ nyeesi.

A Yesu si ’dani komorga saŋduk na gwon i Kadi na Ŋun nagon ’dokesi guba kata na, a nye meddi ŋutu i gumba na gurut i saŋduk ŋutu jore logon a kwörinikö ’dogga ko gurut jore. A ŋuto nagon a lomeri ko a karu ’be na poŋdi, a gubakiŋdye milin murek nagon momora a taripatat na jur lose.

Nyena ko ŋuto nyanyar Ŋun ko töili lonyit liŋ, ko kuruŋdyö nanyit liŋ, ko riŋit nanyit liŋ, a ko lepeŋ nyanyar marate gwoso mugun nanyit, kweja adi kine kulya lwölwöŋ rubaŋgajin liŋ lo ’yu ’yura se ko ’dokesi liŋ.

a Yesu kulyani ko se adi, Ropaki ta Kaisar ŋo nagon a ti Kaisar, köti ropaki ta Ŋun ŋo nagon a ti Ŋun. A kulo ŋutu iŋge soŋu parik i kulya ti lepeŋ.