Popular Bible Verses from Luka 6

Share

Miunu di oko bino mino wuda; kobino pimo ne wu i gi me pim aber kopong, kame kodio di koyayango, di ony, di oko bino mino wu. Pien epone kame wun ipimunu ne kede jo, en kame kobino pimo ne wuda kede.”

Dano aber woto bero kikom gikame beco kame en ekano i cunye. Dano arac da woto raco kikom jame areco kame en ekano i cunye. Pien dog dano yamo gikame opong i cunye.

Do marunu jokwor wu, di itimunu ne gi bero, di imiunu da abongo geno be culu. Di do ikounu bino udo giamia me pwoc adwong adikinicel, di ikounu doko idwe ka Ngamalo Twal; piento en etimo bero ne jo kame li kede pwoc kede ne jo areco da.

Bedunu kede cuny me kisa bala kame Papa wu da tie kede cuny me kisa.

“Kur ingolunu kop ne jo icegun, me wek kur ngol kop ne wuda. Kur iwacunu ne jo raco, me wek kur wac ne wuda raco; sasirunu jo, tetekeny oko bino sasiro wuda.

“Do ango awaco ne wun dedede jo kame tie winya be, marunu jokwor wu, di ikounu timo bero but jo kame dagi wu. Miunu jo kame lamo wu winyo, di ikounu lego ne jo kame yeyeto wu.

Tim ne jo apat da gikame in imito be koto gida kitimo nin.

Ka ngatamoro obapo lemi, loke bobo tetucel da ebapi; ka ngatamoro otero ekoti ni, mie kiton esati da. Ngat acelacel kame kwai gimoro mie, doko ka ngatamoro otero gimoro kibuti, kur bobo iburao en.

“Yat aber likame nyako anyakini areco, doko yat arac da likame nyako anyakini abeco.

Yat acelacel ngere kede anyakini mere; pien likame kotwero ngwedo anyakini me epigi kikom okuto, doko likame kotwero ngwedo olok kikom ocokocok.