Popular Bible Verses from KUPUTUKA 49

Share

Mukombo wawangana kawexi kukafuma kuli Yutako, Kaha mukombo wamuka-kuyula kawexi kukafuma mukaci kamahinji enyiko, Palanga nomu mwakeza Xilo, Ikiye vene vatu navakamwokai-nonokanga.

Yosefwe napu mutango wakwima mihako, Mutango wakwima watwama ku­kaselwoke, Mitango yawo yinatande nakuzomboka cipato. Vaka-mata amanana vanamumwenesa malwa, Vanamwase mivwi, vanamuhangasana

Oloze uta wenyi wamanana watwaminenga nangolo, Kaha mavoko enyi vawazami-kixilenga Kumavoko aUkweci ngolo waYakova (Muze mwafuma kafunga, lilo­lwa lyavalsalele), Kuli Kalunga kaiso, Uze mwakakukafwa, Kuli Ukweci ngolo josena, Uze mwakakuwahisa Nakuwahisa cize cakufuma mwilu, Nakuwahisa cize cakufuma mukajinga katwama kuxi, Nakuwahisa cize camavele nacize camajimo.

Ove Yuta, yove vene uze navakalisa kuli vandumbwove. Livoko lyove nalikapwa kujixingo javaka-kole jove. Vana vaiso navakalifukula kuli ove. Yuta napu mwevu wandumba. Ove mwanami, unakatuka nakuseza nyama yamukoka. Anongamine, autamine nge ndumba, Nge ndumba wacihwevo, iyaze mwakamusangumuna?

Ove Luvene, ove yove mwanami watwatwa, yove ngolo jami, yove kuputuka catwima jami, Yove kulitulaho caulemu, yove kulitulaho cangolo. Watutumuka nge meya, ove kawexi kukalitulahoko, Mwomwo wayile kukahela ai­so, Kaha wakapihixile. Ayile kuka­hela kami.