KUPUTUKA 49
49
Yakova mwavuluka vana venyi naupolofweto
1Yakova asanyikile vana venyi vamalunga, avambile ngwenyi, Kungulukenu, mangana ngumilweze vize navikamiwana hamakumbi akukuminyina.
2Wungenu, ivwililenu, enu vana vaYakova,
Mwivwililenu senu Isalele.
3Ove Luvene, ove yove mwanami watwatwa, yove ngolo jami, yove kuputuka catwima jami,
Yove kulitulaho caulemu, yove kulitulaho cangolo.
4Watutumuka nge meya, ove kawexi kukalitulahoko,
#
35.22. Mwomwo wayile kukahela aiso,
Kaha wakapihixile. Ayile kukahela kami.
5 #
34.25-30. Ximeyone naLevi vanapu mujimo lyavo,
Jipoko javo jinapu vitwa vyaulyanyi.
6Ove mwono wami, kanda wingila mupunga yavoko,
Ove ulemu wami, kanda upandama kuliwuka lyavoko.
Mwomwo nautenu wavo vajihile vatu,
Kaha nakulikanga cavo vatetele mixisa yakumahinji avangombe.
7Vangule utenu wavo, mwomwo wapwile wangolo,
Nandombo yavo, mwomwo yapwile yayikalu.
Nangukavahandununa muli vaYakova
Nangukavamwanga muli vaIsalele.
8Ove Yuta, yove vene uze navakalisa kuli vandumbwove.
Livoko lyove nalikapwa kujixingo javaka-kole jove.
Vana vaiso navakalifukula kuli ove.
9Yuta napu mwevu wandumba.
Ove mwanami, unakatuka nakuseza nyama yamukoka.
Anongamine, autamine nge ndumba,
Nge ndumba wacihwevo, iyaze mwakamusangumuna?
10Mukombo wawangana kawexi kukafuma kuli Yutako,
Kaha mukombo wamuka-kuyula kawexi kukafuma mukaci kamahinji enyiko,
Palanga nomu mwakeza Xilo, #Samu 2.6-9; 72.8-11.Ikiye vene vatu navakamwokai-nonokanga.
11Hakukaxilila mwanacimbulu ce yi kumuvinyo,
Hakukaxilila mwanacimbulu cenyi kumuvinyo wakusakula,
Nakoso mahinenyi muvinyo,
Nakuvwala cenyi mumanyinga amihako yavinyo.
12Meso enyi nawakacilana navinyo,
Mazo enyi nawakatoma namavele.
13Zevulune mwakatwama kucihukula cakalungalwiji,
Mwakapwa nge cihukula cakusulikila mato,
Ngiza yenyi nayikaheta nakuXitone.
14Isakale napu cimbulu wangolo,
Wakuutama mukaci kamalimba amikoko.
15Amwene kwakunoka ngwenyi,
Kunawahe,
Nalifuci nawa ngwenyi, Lyamwaza.
Atengelekele cifwiji cenyi ambate citeli,
Kaha vamulingixile kupwa ndungo wakuzata tuhu wana.
16Ndane mwakayula vatu jenyi
Hakupwa muyaci wavaIsalele umwe.
17Ndane mwakapwa linoka utenga yajila,
Mwakapwa ciyenge mujila,
Wakusuma mahinji akavalu,
Ngoco ou natambukaho mwaholokela kunyima.
18Ove Yehova, ngunavandaminanga ulwilo wove.
19Ngate, lizavu nalikamuxi-ndakanya,
Oloze hakukuminyina mwaka-xindakana hatukukunya twavo.
20Kuli Axele navakalingisa kulya cenyi kupwa camaji,
Mwakalovola viyema vyakulya vamyangana.
21Nafwatale napu nge cila wacipwevo wakusuwula,
Mwakahanjika vihande vyamwaza.
22Yosefwe napu mutango wakwima mihako,
Mutango wakwima watwama kukaselwoke,
Mitango yawo yinatande nakuzomboka cipato.
23Vaka-mata amanana vanamumwenesa malwa,
Vanamwase mivwi, vanamuhangasana,
24Oloze uta wenyi wamanana watwaminenga nangolo,
Kaha mavoko enyi vawazami-kixilenga
Kumavoko aUkweci ngolo waYakova
(Muze mwafuma kafunga, lilolwa lyavalsalele),
25Kuli Kalunga kaiso, Uze mwakakukafwa, Kuli Ukweci ngolo josena,
Uze mwakakuwahisa
Nakuwahisa cize cakufuma mwilu,
Nakuwahisa cize cakufuma mukajinga katwama kuxi,
Nakuwahisa cize camavele nacize camajimo.
26Kukisula caiso
Cili nangolo kuhambakana kukisula cavakakuluka jami
Nakutwala nakusongosongo yajipili jahaya myaka yosena.
Nacikapwanga hamutwe waYosefwe,
Mumbamba-mutwe yayou ahandunukile kuli vandumbwenyi.
27Mbenjamine napu kangunge wakutenuka.
Kucimene mwakalya nyama yamukoka,
Kaha kucingoloxi mwakapangila vize vyakupupa.
Yakova mwafwa, navamufunda
28Vosenava vanapu miyaci yavaIsalele likumi nayivali, kaha mukiko vene mwahanjikile sevo kuli vakivo nakuvakisula. Avakiswile mutu himutu nakukisula cenyi.
29Kaha avalwezele, avambile ngwenyi, Ami jino hikungutwala kuli vakaka jami. Mukangufunda navatata hamwe muwina wakusendeleka uze uli mumavu aEfwelone kaHete,
30muwina wakusendeleka uli mumavu akuMakapela kulutwe lwaMamele mulifuci lyaKanane, uze alanjile Apalahama namavu hamwe kuli Efwelone kaHete upwenga luheto lwenyi kwakufunda vafu.
31Muze vafunjile Apalahama napwevo lyenyi Sala, muze vafunjile Isaka napwevo lyenyi Laveka, muze ngwafunjile Leya —
32mavu aze nawina wakusendeleka ulimo, uze alanjile kuli vana vaHete.
33Kahomu akumixile Yakova kuxika vana venyi, akokelele mahinji enyi hakahela, afwile, kaha vamutwalile kuli vakaka jenyi.
Currently Selected:
KUPUTUKA 49: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
