Popular Bible Verses from YOWANO 10

Share

Mwiji hakwiza mwakava kwiva kaha nakujiha nakwenyeka. Ami nguneza mangana ngwami, vatwamenga nakuyoya, ngwami, vatwamenga naco cacivulu.

Ami yami kafunga wamwenemwene. Kafunga wamwenemwene mwavecela mikoko jenyi mwono wenyi.

Mikoko jami veji kwivwililanga lizu lyami, kahAmi ngunavatacikiza, kaha veji kungukavangizanga.

Ami ngweji kuvahananga kuyoya cahaya myaka yosena, kavexi kwiza kukanongako nahaya myaka yosena, kaha kakwexi umwe mwahasa kuvahukula mulivoko lyamiko.

Ami yami cikolo, kaci nge mutu mwengilila muli Ami navamulwila, kaha mwengila mwalovoka mwawana kuulilo.

Ami yami kafunga wamwenemwene, ngunavatacikiza vami, kaha vami vanangutacikizAmi

Tata, Ou nanguhanevo, nahambakana vosena, kakwexi umwe mwahasa kuvahukula mulivoko lyaTatako. Etu naTata twapwa Umwe.

nge omu nautacikiza Tata, nomu ngwamutacikizAmi Tata, kaha nanguvecela mikoko jami mwono wami.

Naumwe pimbi mwakangutambulawo, oloze Ami lyavene nangulyecelawo. Nguli nangolo jakuweca, kaha nguli nangolo jakuutambula ceka. Luximbi elu ngwalutambwile kuli Tata.

Kaha Yesu avambile ceka ngwenyi, Camwenemwene, camwenemwene, nangumilweza ngwami, Ami yami cikolo camikoko.

Ou mwazacila fweto, ou nazeneka kupwa kafunga, mikoko kavexi venyiko, mwamona kangunge ali nakwiza, kaha mwavaseza mikoko, himwacina, kaha kangunge himwavahukula, himwavapuzumuna.

Camwenemwene, camwenemwene, nangumilweza ngwami, Ou nakane kwingilila kucikolo hakwingila mulimba lyamikoko, oloze mwanyinyila kweka, ikiye mwiji, ikiye cihwanga.